Umlan - ⵓⵎⵍⴰⵏ

  ⵜⵉⵣⵡⵉⵔⴰ ⵏ ⵕⵎⴹⴰⵏ ⴰⵙⵙ ⵏ ⵓⵙⴰⵎⴰⵙ 2 ⵎⴰⵕⵚ 2025 ⵜⵏⵏⴰ ⵜⵎⴰⵡⴰⵙⵜ ⵏ ⵍⵃⵓⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⵎⴰⵙ ⴰⵙⵙ ⴰⵎⵣⵡⴰⵔⵓ ⴳ ⵕⵎⴹⴰⵏ ⵉⴳⴰ ⵜ ⴰⵙⵙ ⵏ ⵓⵙⴰⵎⴰⵙ  2 ⵎⴰⵕⵚ 2025. ⴰⴷⴷ ⵉⵙⵙⴽⵛⵎ ⵔⴱⴱⵉ ⴰⵢⵢⵓⵔ ⴰⴷ ⴼ ⵉⵎⵓⵏⵙⵍⵎⵏ ⴰⴽⴽⵯ ⵙ ⵓⴼⵓⵍⴽⵉ ⴷ ⵜⵓⵎⵎⵔⵜ.

 ⴰⵖⵎⵉⵙ ⴰⵙⵎⵉⴳⵍⴰⵏ: ⵉⵎⴹⵔⴰⵏ ⵏ ⵓⴷⴼⵍ ⴷ ⵓⵏⵥⴰⵕ ⵉⴳⴳⵓⵜⵏ ⴷ ⵓⵎⵎⵓⵙⵙⵓ ⵏ ⵡⴰⴹⵓ ⵉⴷⵓⵙⵏ ⴳ ⵜⵓⴳⵜⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ. ⵜⵏⵏⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵓⵏⵣⵡⵉ ⵎⴰⵙ ⵉⵖⵉ ⴰⴷ ⵉⴹⵕ ⵓⴷⴼⵍ ⴷ ⵓⵏⵥⴰⵕ ⵉⴳⴳⵓⵜⵏ ⵉⵎⵉⴳⵏⵓ ⵉⴷ ⵃⵉⵏⴰ, ⴷ ⵔⴰ ⴷ ⵉⵎⵎⴰⵙⵙ ⵡⴰⴹⵓ ⵉⴷⵓⵙⵏ ⵓⵙⵙⴰⵏ ⵏ ⵓⵙⵉⵎⵡⴰⵙ ⴷ ⵓⵚⵉⴹⵢⴰⵙ ⴳ ⵜⵓⴳⵜⵜ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ. ⴳ ⵢⴰⵏ ⵓⵖⵎⵉⵙ ⴰⵙⵎⵉⴳⵍⴰⵏ ⴳ ⵓⵙⵡⵉⵔ ⵏ ⵉⵡⵉⵣ ⴰⵍⵉⵜⵛⵉⵏⵉ, ⵜⵏⵏⴰ ⵜⵎⵀⵍⴰ ⵎⴰⵙ ⵉⵎⴹⵔⴰⵏ ⵏ ⵓⴷⴼⵍ ⴷⴷⴰⵏ ⴰⴷ ⵢⵉⵍⵉⵏ ⴳ ⵉⴷⵓⵔⴰⵔ ⵉⵣⵔⵉⵏ 1800 ⵏ ⵉⴷ ⵎⵉⵜⵔⵓ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴰⵙⵔⴰⴳⵜ ⵜⵉⵙⵙ 11:00 ⵏ ⵜⵉⴼⴰⵡⵜ ⴰⵔ ⴰⵙⵙ ⵏ ⵓⵚⵉⴹⵢⴰⵙ ⴳ ⵜⴰⵙⵔⴰⴳⵜ ⵜⵉⵙⵙ 06:00 ⵏ ⵜⵉⴼⴰⵡⵜ.ⴳ ⵜⵙⴳⴳⵉⵡⵉⵏ ⵏ ⵉⴼⵔⴰⵏ, ⴱⵓⵍⵎⴰⵏ, ⴰⵣⵉⵍⴰⵍ, ⴱⵏⵉⵎⵍⵍⴰⵍ, ⵍⵃⵓⵣ, ⵛⵉⵛⴰⵡⴰ,  ⵜⵉⵏⵖⵉⵔ, ⵡⴰⵔⵣⴰⵣⴰⵜ, ⵎⵉⴷⵍⵜ, ⵜⴰⵔⵓⴷⴰⵏⵜ. ⴰⵏⵥⴰⵕ ⵉⴳⴳⵓⵜⵏ ⵉⴷ ⵃⵉⵏⴰ ⵔⴰ ⴷ ⵉⴳ ⵉⵎⵉⴳⵏⵓ ⵉⵎⵓⵏ ⴷ ⵡⴰⴹⵓ, ⵜⴰⵙⵎⴽⵜⴰ ⵏⵏⵙ ⵔⴰ ⵜⵍⴽⵎ 30 ⴰⵔ 50 ⵏ ⵉⴷ ⵎⵉⵍⵉⵎⵉⵜⵔ, ⵔⴰ ⵢⵉⵍⵉ ⴳ ⵜⵙⴳⴳⵉⵡⵉⵏ ⵏ ⵓⵙⴼⵉ, ⵜⴰⵚⵚⵓⵕⵜ, ⵍⵊⴰⴷⵉⴷⴰ  ⵙⵉⴷⵉ ⴱⵏⵏⵓⵔ, ⵙⵟⵟⴰⵟ, ⵜⵉⴳⵎⵎⵉ ⵜⵓⵎⵍⵉⵍⵜ, ⵏⵏⵡⴰⵚⵕ, ⴰⴳⴰⴷⵉⵔ ⵉⴷⴰⵡ ⵜⴰⵏⴰⵏ, ⵜⴰⵔⵓⴷⴰⵏⵜ, ⵏⵏⴰⴹⵓⵕ, ⵍⵃⵓⵙⴰⵢⵎⴰ, ⴱⵔⴽⴰⵏ ⴷ ⵡⵊⴷⴰ, ⵓⵙⵙⴰⵏ ⵏ ⵓⵙⵉⵎⵡⴰⵙ ⴳ ⵜⴰⵙⵔⴰⴳⵜ ⵜⵉⵙⵙ 06:00 ⴰⵔ ⴰⵙⵙ ⵏ ⵓⵚⵉⴹⵢⴰⵙ ⴳ ⵜⴰⵙⵔⴰⴳⵜ ⵜⵉⵙⵙ 16:00 ⵏ ⵜⵎⴷⴷⵉⵜ. ⴷ ⵉⵖⵉ ⴰⴷ ⵉⵎⵎⴰⵙ ⵡⴰⴹⵓ ⵉⴷⵓⵙⵏ ⵉⵎⵓⵏⵏ ⴷ ⵓⵏⵟⵟⵕ ⵏ ⵓⴳⴹⵕⵓⵕ (ⵙ ⵜⴰⵣⵣⵍⴰ ⵏ 70- 95 ⴽ/ⵙ) ⴰⵙⵙ ⵏ ⵓⵙⵉⵎⵡⴰⵙ...

 ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⵉⵜⵜⵔ ⵙⴳ ⵉⵎⵖⵔⴰⴱⵉⵢⵏ ⴰⵡⵔ ⵖⵔⵙⵏ ⵉ ⵜⴼⴰⵙⴽⴰ ⴰⵙⴳⴳⵯⴰⵙ ⴰⴷ ⴳ ⵢⴰⵜ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⵉ ⵓⵎⴷⴰⵏ ⴰⵎⵖⵔⴰⴱⵉ, ⵉⵖⵔⴰ ⵜⵜ ⵃⵎⴰⴷ ⵜⴰⵡⴼⵉⵇ ⴰⵎⴰⵡⴰⵙ ⵏ ⵍⵃⵓⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ, ⵉⵜⵜⵔ ⴳⵉⵙ ⵓⴳⵍⵍⵉⴷ ⵙⴳ ⵉⵎⵖⴰⵔⵉⵢⵏ ⴰⴷ ⵓⵔ ⵖⵔⵙⵏ ⵉ ⵜⴼⴰⵙⴽⴰ ⴰⵙⴳⴳⵯⴰⵙ ⴰⴷ.

ⵉⴱⴹⵉ ⴰⴳⵉⵔⴰⵏ ⵏ ⵜⵙⵏⴱⴹⴰⵢⵜ ⵏ ⵜⵏⴼⵔⵉⵜ ⵜⴰⵎⴰⵏⵓⵏⵜ "ⵜⴰⵙ" ⴳ ⵜⵎⵙⴰⵔⵜ ⵏ ⵜⵏⴽⵔⴰ ⵏ ⴱⵔⴽⴰⵏ ⴷ ⵜⴰⵎⵓⵏⵜ ⵏ ⴷⴷⵣⴰⵢⵔ. ⵜⵙⵙⵎⵉⵔ ⵜⵙⵏⴱⴹⴰⵢⵜ ⵏ ⵜⵏⴼⵔⵉⵜ ⵜⴰⵎⴰⵏⵓⵏⵜ "ⵜⴰⵙ", ⵉⴱⴹⵉ ⵏⵏⵙ ⴰⴳⵉⵔⴰⵏ ⴳ ⵜⴰⵎⵙⴰⵔⵜ ⵍⵍⵉ ⵜⵓⵍⵍ ⵜⴰⵎⵓⵏⵜ ⵜⴰⴷⵣⴰⵢⵔⵉⵜ ⵎⴳⴰⵍ ⵜⴰⵎⵓⵏⵜ ⵏ ⵉⴼⵔⵉⵇⵢⴰ "ⴽⴰⴼ", ⵉⵥⵍⵉⵏ ⵙ  ⵜⴰⴷⴼⴼⴰⵙⵜ ⵏ ⵜⵔⴰⴱⴱⵓⵜ ⵏ ⵜⵏⴽⵔⴰ ⵏ ⴱⵔⴽⴰⵏ, ⵍⵍⵉⴳ ⵜⵍⵍⴰ ⵜⴽⴰⴽⴰⵕⴹⴰ ⵏ ⵍⵎⵖⵔⵉⴱ. ⴳ ⵓⵣⴳⵏ  ⴰⴳⵉⵔⴰⵏ ⵏ ⵜⴱⵔⵣⴰ ⵏ ⵡⴰⴽⴰⵙ ⵏ ⵜⴽⵓⵏⴼⵉⴷⵉⵔⴰⵍⵉⵜ ⵏ ⵉⴼⵔⵉⵇⵢⴰ. ⴷ ⵜⴱⴹⴰ ⵜⴰⵙⵏⴱⴹⴰⵢⵜ ⵜⴰⵎⴰⵏⵓⵏⵜ "ⵜⴰⵙ" ⵙ ⵡⴰⵔ ⴰⵍⴰⵙ ⵏ ⵜⵎⵏⵢⵓⴳⴰⵔⵜ ⵏⴳⵔ ⵜⵔⴰⴱⴱⵓⵜ ⵏ ⴱⵔⴽⴰⵏ ⴷ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵏ ⴷⴷⵣⴰⵢⵔ, ⵍⵍⵉ ⵙ ⵜⵍⴽⵎ ⴱⵔⴽⴰⵏ ⵜⴰⵎⵏⵢⵓⴳⴰⵔⵜ ⵜⴰⴳⵉⵔⴰⵏⵜ, ⴷ ⵓⵔ ⵜⵇⴱⵍ ⵜⵉⵕⵥⵉ ⵍⵍⵉ ⵜⵙⵙⵎⵏⵉⴷ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵏ ⴷⴷⵣⴰⵢⵔ.

  ⵉⵎⴰⵣⵉⵖⵏ ⵏ ⵍⵉⴱⵢⴰ ⵙⴽⵔⵏ ⵢⴰⵏ ⵓⵎⵎⵓⵙⵙⵓ ⴰⵏⴳⵔⴰⵢ ⴳ ⵜⵎⴰⵥⵓⵏⵜ ⵏ ⵍⵉⴱⵢⴰ ⵟⵕⴰⴱⵍⵓⵙ ⵎⴳⴰⵍ ⵜⴰⵎⵙⴰⵔⵜ ⵏ  ⵓⵍⵍⵙ ⵏ ⵓⵛⵏⵢⴰⵍ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ. ⵉⵎⴷⵔⴰⵡⵏ ⵓⵙⴰⵏ ⴷ ⵙⴳ  ⵜⵉⵖⵔⵎⵉⵏ ⴷ ⵜⵙⴳⴳⵉⵡⵉⵏ ⴰⴽⴽⵯ ⵍⵍⵉ ⵢⵓⵜⵍⴰⵢⵏ ⵙ ⵉⵍⵙ ⴰⵎⴰⵣⵉⵖ ⴳ ⵍⵉⴱⵢⴰ. ⵢⵓⵔⴰ ⵜ: ⵎⴰⵙⵙ ⵍⵃⵓⵙⴰⵢⵏ ⵍⵃⵓ

ⴰⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⵉⵇⴰⵡⵍ ⵙ ⵓⵎⵙⵓⴼⵖ ⵏ  " ⵜⵉⵡⵙⵉⵡⵉⵏ ⵏ ⵜⵎⴰⵣⵉⵖⵜ" ⴳ ⵜⵉⵏⵎⴰⵍ ⵜⵉⵎⵣⵡⵓⵔⴰ ⵉⵏⵏⴰ ⵎⵓⵃⵎⵎⴰⴷ ⴱⵕⵕⴰⴹⴰ ⴰⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵎⴰⵙ ⵜⵜⵓⵙⴽⴰⵔ ⵢⴰⵜ ⵜⵔⴰⴱⴱⵓⵜ ⵏ ⵜⵎⵓⵣⴰⵢⵜ ⵜⴰⵏⴰⵎⵓⵔⵜ ⵉⵙⵎⵓⵏⵏ ⵉⵎⴳⴳⵉⵡⵙⵏ ⴷ ⵉⵙⴰⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴼⴰⴷ ⴰⴷ ⵙⵙⵓⵊⴰⴷⵏ  ⴰⵎⵎⴰⴽⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵎⵜⵜⴰⵡⵉⵏ ⵉⵥⵍⵉⵏ ⵙ ⵜⵉⵣⵉ ⵏ ⵡⴰⵏⵏⴰⵍ ⵙ ⵜⵎⵢⴰⴷⴰⵙⵜ ⵏ  TARL. ⴰⴷⵍⴰⵎⵓⵏ ⴰⵥⵍⴰⵢ ⵏ ⵉⵍⵎⵎⵓⴷⵏ ⴳ ⵜⵎⵜⵜⴰ ⵉ ⵡⵙⵖⵉⵡⵙ ⵏ ⵓⵏⵏⴰⵍ ⴷ ⵓⵎⴰⵎⵏⴽ ⵏ ⵓⵙⵖⵉⵡⵙ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⴳ ⵜⵉⵣⵉ ⴰⴷ ⵙ ⵓⵡⵜⵜⴰⵙ ⵏ ⵓⵙⵙⵓⵔⴼ ⵏ ⵜⵎⵓⴽⵔⵉⵙⵉⵏ ⵏⵏⴰ ⵉⵍⵍⴰⵏ ⴳ ⵜⵡⵉⵍⴰⵜⵉⵏ ⵜⵉⴽⵓⴷⴰⵏⵉⵏ ⵍⵍⵉ ⵙ ⴰⵙⵡⵓⵔⵉⵏ. ⵉⵏⵏⴰ ⴷⴰⵖ ⵎⴰⵙⵙ ⴱⵕⵕⴰⴹⴰ ⵎⴰⵙ ⵜⴰⵎⴰⵡⴰⵙⵜ ⴷⴰ ⵜⵙⵡⵓⵔⵉ ⴳ ⵓⵣⵣⵓⴳⵣ  ⵉⵎⵉⴽⴽ ⵙ ⵉⵎⵉⴽⴽ ⵏ ⵓⵖⴰⵡⴰⵙ ⵉⵥⵍⵉⵏ ⵙ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⴰⵍ ⵜⵉⵎⵣⵡⵓⵔⴰ. ⵢⵓⵔⴰ ⵜ : ⵎⴰⵙⵙ ⵍⵃⵓⵙⴰⵢⵏ ⵍⵃⵓ  

ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⴰⵣⵉⵖⵏ ⵏ ⵍⵉⴱⵢⴰ ⵉⵙⵙⵎⵉⵔ ⴰⵙⵙ ⵏ ⵓⴽⵕⴰⵙ ⴰⴷⴷ ⵢⵓⵙⴰⵏ ⴷ ⴰⵙⵙ ⵏ ⵜⵏⵓⵕⵥⵎⵜ ⵜⵓⵙⵍⵉⴷⵜ ⴳ ⵜⵖⵕⵎⵉⵏ ⴷ ⵜⵙⴳⴳⵉⵡⵉⵏ ⵍⵍⵉ ⵉⵙⴰⵡⵍⵏ ⵜⴰⵎⴰⵣⵉⵖⵜ ⴳ ⵍⵉⴱⵢⴰ, ⴰⴼⴰⴷ ⴰⴷ ⵖⵉⵏ ⵉⵏⴰⵎⵓⵔⵏ ⴰⴽⴽⵯ ⴰⴷ ⴷⵔⵓⵏ ⴳ ⵜⵡⴰⴷⴰ ⵜⴰⵏⴳⵔⴰⵢⵜ ⵍⵍⵉ ⵉⴷⴷⴰⵏ ⴰⴷ ⵢⵉⵍⵉⵏ  ⴰⵙⵙ ⵏ ⴰⴽⵕⴰⵙ 26 ⴱⵕⴰⵢⵔ 2025 ⴳ ⵟⵕⴰⴱⵍⵓⵙ. ⵉ ⵡⵙⵏⴰⵍ ⵏ ⵓⵎⵎⵓⵙⵙⵓ ⴰⵏⴳⵔⴰⵢ ⴷ ⵜⵖⵔⵎⵉⵏ ⴷ ⵜⵙⴳⴳⵉⵡⵉⵏ ⵜⵉⵎⴰⵣⵉⵖⵉⵏ ⵎⴳⴰⵍ ⵜⴰⵎⵙⴰⵔⵜ ⵏ  ⵓⵍⵍⵙ ⵏ ⵓⵛⵏⵢⴰⵍ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ.

 ⵍⵎⵖⵔⵉⴱ ⵔⴰ ⴷ ⵉⵎⵎⴰⵜⵜⵉ ⵙ ⵡⴰⴽⵓⴷ ⵏ ⴳⵔⵉⵏⵉⵜⵛ ⴰⵙⵙ ⵏ 23 ⴱⵕⴰⵢⵔ 2025 ⵜⵏⵏⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵙ ⵜⵎⵍⴷⴰ ⵏ ⵡⵢⵢⵓⵔ ⵏ ⵕⵎⴹⴰⵏ, ⵎⴰⵙ ⵍⵎⵖⵔⵉⴱ ⵔⴰ ⵢⴰⵖⵓⵍ ⵙ ⵜⴰⵙⵔⴰⴳⵜ ⵜⵓⵍⴳⵉⵏⵜ ⵏ ⵜⴳⵍⴷⵉⵜ (ⴰⴽⵓⴷ ⵏ ⴳⵔⵉⵏⵉⵜⵛ) ⴳ ⵜⴰⵙⵔⴰⴳⵜ ⵜⵉⵙⵙ ⴽⵕⴰⴹⵜ ⵏ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⵙⴰⵎⴰⵙ 23 ⴱⵕⴰⵢⵔ 2025. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

 ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵔ ⵏ ⴼⵔⴰⵏⵚⴰ, ⵊⵉⵔⴰⵔ ⵍⴰⵔⵛⵉ ⵉⴷⴷⴰ ⴰⴷⴷ ⵢⴰⵙ ⴰⵙⵙ ⵏ ⵓⵙⴰⵎⴰⵙ ⵙ ⵍⵎⵖⵔⵉⴱ. ⵊⵉⵔⴰⵔ ⵍⴰⵔⵛⵉ ⵔⴰ ⴷⴷ ⵢⴰⵛⴽ ⴰⵙⵙ ⵏ ⵓⵙⴰⵎⴰⵙ 23 ⴱⵕⴰⵢⵔ ⴳ ⵜⴰⴷⴳⴳⵯⴰⵜ ⵙ ⵓⵣⴰⴳⵯⵣ ⵏ ⵕⵕⴱⴰⵟ  ⵍⵍⵉⴳ ⵔⴰ ⵜ ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵔ,  ⵎⵓⵃⵎⵎⴰⴷ ⵡⵍⴷ ⵔⵔⴰⵛⵉⴷ ⴰⵙⵙ ⵏ ⴰⵢⵏⴰⵙ, ⵊⵉⵔⴰⵔ ⵍⴰⵔⵛⵉ ⵔⴰ ⴷ ⵉⵙⴽⵔ ⵢⴰⵏ ⵓⵎⵙⵏⴰⵍⴰ ⵓⵏⵚⵉⴱ ⴷ ⵜⵉⵏⴱⴰⴹⵉⵏ ⵜⵉⵎⵖⵔⴰⴱⵢⵢⵉⵏ. ⴳ ⵡⴰⵙⵙ ⴰⵏⵏ ⵏⵉⵜ, ⵊⵉⵔⴰⵔ ⵍⴰⵔⵛⵉ ⵔⴰ ⴷ ⵉⵎⵎⴰⴳⴳⴰⵔ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵔⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵔ. ⴳ ⵜⴷⴳⴳⵯⴰⵜ ⵉⴷⴷⴰ ⴰⴷ ⵉⴳⴰⵡⵔ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵉⴷⴷⵓⴽⴽⵍⴰ ⵜⴰⵎⵖⵔⴰⴱⵉⵜ-ⵜⴰⴼⵕⴰⵏⵚⵉⵢⵜ, ⵎⵓⵃⵎⵎⴰⴷ ⵣⵉⴷⵓⵃ, ⴷ ⵔⴰ ⴷ ⵉⵎⵎⴰⴳⴳⴰⵔ ⴷ ⵓⵎⴰⵡⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ , ⵏⴰⵚⵔ ⴱⵓⵕⵉⵟⴰ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ.  ⴰⵙⵙ ⵏ ⵓⵙⵉⵏⴰⵙ ⴷ ⴰⵙⵙ ⴰⵎⵣⵔⴰⵢ ⵉ ⵜⵎⵉⵣⴰⵔ ⵙ ⵙⵏⴰⵜ, ⴰⵛⴽⵓ ⴰⵏⴱⴳⵉ ⵏ ⵍⵎⵖⵔⵉⴱ ⵉⴷⴷⴰ ⴰⴷ ⵉⵙⴽⵔ ⵢⴰⵏ ⵓⵎⵎⵓⴷⴷⵓ ⵓⵏⵚⵉⴱ ⵙ ⵜⵉⵖⵔⵎⵜ ⵏ ⵍⵄⵢⵓⵏ, ⵎⴰⵢ ⴰⴷ ⴷⴼⴼⵉⵔ ⵜⵓⵙⵙⵏⵜ ⵏ ⴼⵔⴰⵏⵚⴰ ⵏ ⵡⴰⴱⴰⴷ ⴰⵏⴰⵎⵓⵔ ⵏ ⵍⵎⵖⵔⵉⴱ ⴼ ⵕⵕⵃⵕⴰ. ⵜⵓⵙⵙⵏⵜ ⵍⵍⵉ ⵉⵙⵙⵏⵚⴱ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⵉⵎⴰⵏⵡⵉⵍ ⵎⴰⴽⵔⵓⵏ. ⴳ ⵍⵄⵢⵓⵏ, ⵊⵉⵔⴰⵔ ⵍⴰⵛⵉ ⵉⴷⴷⴰ ⴰⴷ ⵉⵎⵎⴰⴳⴳⴰⵔ ⴷ ⵜⵉⵏⴱⴰⴹⵉⵏ ⵜⵉⴷⵖⵔⴰⵏⵉⵏ, ⴳⵉⵜⵙⵏ ⵉⵎⵙⵜⵉⵢⵏ ⵍⵍⵉ ⵢⵉⵡⵉⵏ ⵉⵙⵎⵙⵜⴰⵢⵏ ⵏ 2021.  ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵔ ⵉⴷⴷⴰ ⴰⴷⴷ ⵉⴽⴽ...

ⴰⵙⵙⵎⵖⵉ ⵏ ⵡⴰⴼⴰⵔ ⴳ ⵓⴱⴰⵔⴰⵣ ⵏ ⴷⵓⵏⵓⵔ ⵏ ⵜⴳⵎⵎⵉ ⵜⵓⵎⵍⵉⵍⵜ ⵉⵙⵙⵓⴷⴰ ⵙ ⴷⴰⵜ ⵙ ⵢⴰⵜ ⵜⵡⴰⴷⴰ ⵉⵣⵔⴱⵏ ⵉ ⵓⵙⵓⵊⴷ ⵉ ⵜⴰⴽⵓⵙⵜ ⵏ ⵉⴼⵔⵉⵇⵢⴰ 2025. ⴰⴱⵔⵉⴷ ⵍⵍⵉ ⵉⵙⵙⵓⵜⵍⵏ ⵉ ⵡⴱⴰⵔⴰⵣ ⵉⴷⴷⴰ ⴰⴷ ⵢⵉⵍⵉ ⵙ ⵓⴽⵍⵓ ⴰⵏⵉⵍⵉ ⴰⵎⵀⵢⴰⵔ, ⵉⴹⴼⴰⵕⵏ ⵉⵍⵓⴳⵏ ⵏ ⴽⴰⴼ "CAF" ⴷ ⴼⵉⴼⴰ "FIFA" ⴰⴼⴰⴷ ⴰⴷ ⵉⴱⵓⵖⵍⵓ ⵉⵥⵔⵉ ⴷ, ⴷ ⴰⴷ ⵉⴼⴰⵡ ⵉⵥⵕⵉ ⴳ ⵜⵉⵣⵉ ⵏ ⵜⵎⵏⵢⵓⴳⴰⵔⵉⵏ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

ⵉⵖⵉ ⴰⴷ ⵢⵉⵍⵉ ⵢⴰⵏ ⵓⵏⴳⴰⵙ ⵓⵜⵔⵉ  YR4 ⴷ ⵡⴰⴽⴰⵍ ⴰⵙⵙ ⵏ 22 ⴷⵓⵊⴰⵏⴱⵉⵔ 2032 ⵜⵏⵏⴰ ⵜⵙⵏⵓⵔⴰⵢⵜ ⵏ ⵓⵙⴰⵢⵔⴰⵔ ⵜⴰⵎⵉⵔⵉⴽⴰⵏⵉⵜ "ⵏⴰⵣⴰ" ⴰⵙⵙ ⵏ ⵓⵙⵉⵏⴰⵙ ⵎⴰⵙ ⵉⵙⵉⴹⵏⵏ ⵏⵏⵙ ⵎⵍⴰⵏ ⴷ ⵎⴰⵙ ⵉⵎⵉⵣⵉ ⵏ ⵢⴰⵏ ⵓⵏⴳⴰⵙ ⵏ ⵓⵜⵔⵉ  YR4 ⴷ ⵡⴰⴽⴰⵍ ⴰⵙⵙ ⵏ 22 ⴷⵓⵊⴰⵏⴱⵉⵔ 2032, ⵢⴰⵖⵓⵍ ⴷⴰⵔ ⵜⵉⴳⵎⵉⴹⵉ ⵏ 3,1 ⴳ ⵜⵎⵉⴹⵉ ⵡⴰ ⴷ ⵉⴳⴰ ⵢⴰⵏ ⵓⵙⵡⵉⵔ ⴰⵏⴰⴼⵍⵍⴰ ⵏⵏⴰ ⵓⵔ ⴷⵊⵉⵏ ⵉⵜⵜⵓⵣⵎⵎⴰⵎⵏ ⵙⴳ ⵍⵍⵉⴳ ⵙⵙⵏⵜⴰⵏⵜ ⵜⵉⴹⴰⴼ. ⴷ  ⵉⵙⵓⴳⵜⵏ ⴰⵔ ⵜⵜⵉⵏⵉⵏ ⵎⴰⵙ ⵉⴳ ⵉⵊⵕⴰ ⵓⵏⴳⴰⵙ, ⵉⴷⴷⴰ ⴰⴷ ⵉⴷⵓⵙ ⵙ 500 ⵜⵉⴽⴽⴰⵍ ⴼ  ⵜⴰⵙⴱⴰⵇⵇⴰⵢⵜ ⵜⴰⵎⵖⵢⴰⵢⵜ ⵍⵍⵉ ⵉⴹⵕⵏ ⴼ ⵜⵉⵖⵔⵎⵜ ⵏ ⵀⵉⵔⵓⵛⵉⵎⴰ ⴳ ⵊⵊⴰⴱⴱⵓⵏ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

 ⴰⵙⴱⴷⴷⵉ ⵏ ⵢⴰⵜ ⵜⵖⵔⴰⵙⵜ ⵜⴰⴱⵔⵙⴳⴳⵯⴷⵜ ⵉⵣⴷⵉⵏ ⵙ ⵜⵎⴰⴷⴷⴰⵙⵜ ⵏ ⴷⴰⵄⵉⵛ    ⵜⵖⵉ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵏ ⵍⵎⵖⵔⵉⴱ ⴰⴷ ⵜⵙⵏⵏⴳⵣⵓ ⵢⴰⵏ ⵓⵖⴰⵡⴰⵙ ⴰⴱⵔⵙⴳⴳⵯⴰⴷ ⵉⵏⵎⵉⵣⵉ ⵏⵏⴰ ⵉⵡⴰⵜⵙⵏ ⵍⵎⵖⵔⵉⴱ,  ⵙ ⵓⵙⵎⴰⴳⵍ ⵓⵙⵔⵉⴷ ⵏ ⵢⴰⵏ ⵓⵎⴰⵏⴰⵔ ⵎⵇⵇⵓⵔⵏ ⴳ ⵜⵎⴰⴷⴷⴰⵙⵜ ⵏ ⴷⴰⵄⵉⵛ ⴳ ⵜⴰⵙⴳⴰ ⵏ ⵜⵏⵣⵔⵓⴼⵜ ⵏ ⵉⴼⵔⵉⵇⵢⴰ "ⵙⵙⴰⵃⵉⵍ", ⴷ ⴰⴷ ⵜⵙⴱⴻⴷⴷ 12 ⵏ ⵉⵎⵟⵟⵓⵕⴼⴰ ⴳ ⵜⵖⵔⵎⵉⵏ ⵏ :  ⵜⴳⵎⵎⵉ ⵜⵓⵎⵍⵉⵍⵜ ⴷ ⴼⴰⵙ ⴷ ⵟⴰⵏⵊⴰ ⴷ ⴰⵣⵎⵎⵓⵔ ⴷ ⴳⵔⵙⵉⴼ ⴷ ⵓⵍⴰⴷ ⵜⴰⵢⵎⴰ ⴷ ⵜⴰⵎⵙⵏⴰ ⴷ ⵍⵄⵢⵓⵏ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

ⵜⴰⵡⴰⴼⵉⵜ ⵏ ⵢⴰⵏ ⵉⵖⵔⵎ ⴷⴰⵜ ⵏ ⵓⵎⵣⵔⵓⵢ ⵙⴳ ⵓⵣⵎⵣ ⴰⴱⵔⵓⵏⵣⵉ ⴳ ⵍⵎⵖⵔⵉⴱ ⴰⵎⵇⵔⴰⵏ ⴷⴰⵜ ⵏ ⵓⴳⵓⵍⵓ ⵏ ⵉⴼⵉⵏⵉⵇⵏ ⵜⵖⵉ ⵢⴰⵜ ⵜⵔⴰⴱⴱⵓⵜ ⵏ ⵓⵔⵣⵣⵓ ⵙ ⵉⴷⵔⵉⵣⵏ  ⵍⵍⵉ ⴼ ⵉⵍⵍⴰ ⵓⵎⵓⵙⵏⴰⵡ ⵏ ⵉⴷⵔⵉⵣⵏ ⴰⵎⵖⵔⴰⴱⵉ, ⵢⵓⵙⴼ ⴱⵓⴽⴱⴱⵓⵟ, ⴰⵙⴰⵍⵎⴰⴷ ⴰⵙⴷⴰⵡⴰⵏ ⴳ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⴷ ⵉⴷⵔⵉⵣⵏ ⴷ ⵜⴰⵢⵙⵉ, ⴰⴷ ⵜⴰⴼ ⵢⴰⵏ ⵉⵖⵔⵎ ⵏ ⴷⴰⵜ ⵏ ⵓⵎⵣⵔⵓⵢ ⴳ ⵓⵣⵎⵣ ⴰⴱⵔⵓⵏⵣⵉ ⴳ ⵍⵎⵖⵔⵉⴱ ⴰⵎⵇⵔⴰⵏ ⴷⴰⵜ ⵏ ⵓⴳⵓⵍⵓ ⵏ ⵉⴼⵉⵏⵉⵇⵏ ⴳ ⴰⵇⵛⵇⵓⵛ ⴳ ⵜⵉⵖⵔⵎⵜ ⵏ ⵜⵉⵟⵟⴰⵡⵉⵏ ⴳ ⵉⵥⵍⵎⴹ ⵏ ⵍⵎⵖⵔⵉⴱ. ⵜⴰⵡⴰⴼⵉⵜ ⴰⴷ ⵜⴰⵎⴰⵙⵙⴰⵏⵜ ⵏⵏⴰ ⵓⵔ ⵊⵊⵓ ⵉⵣⵔⵉⵏ, ⵜⵜⵢⴰⵔⴰ ⴳ  ⵜⴰⵙⵖⵓⵏⵜ ⵜⴰⵎⴰⵙⵙⴰⵏⵜ ⵜⴰⵏⴳⵍⵉⵣⵉⵜ ⵜⴰⵎⴰⴹⵍⴰⵏⵜ  "Antiquity" ⴳ ⵓⵙⴰⴽⵓⴷ ⵏ 17 ⴱⵕⴰⵢⵔ 2025, ⵔⴰ ⵜⴳ ⵢⴰⵜ ⵜⴳⵔⴰⵡⵍⴰ ⴳ ⵉⵙⴼⴽⴰ ⵉⵎⴰⵙⵙⴰⵏⵏ ⵉⵥⵍⵉⵏ ⵙ ⵓⵎⵣⵔⵓⵢ ⵏ ⵍⵎⵖⵔⵉⴱ ⴷ ⵉⵥⵍⵎⴷ ⵏ ⵉⴼⵔⵉⵇⵢⴰ.   ⵎⴰⵢ ⴰⴷ ⴰⵔ ⵉⵎⵎⴰⵍ ⵎⴰⵙ ⴰⵎⵓⵏ ⴰⵎⴰⵣⵉⵖ ⵓⵔ ⵉⴳⵉ ⵎⴽⵍⵍⵉ ⵙⴰ ⵜⵜⵉⵏⵉⵏ ⵎⴰⵙ  ⴰⵎⵓⵏ ⴰⵎⴰⵣⵉⵖ ⵓⵔ ⵉⴱⵓⵖⵍⴰⵏ ⴷⴰⵜ ⵏ ⵓⴳⵓⵍⵓ ⵏ ⵉⴼⵉⵏⵉⵇⵏ , ⵎⴰⵛ ⴰⵎⵓⵏ ⴰⵎⴰⵣⵉⵖ ⵉⴽⴽⴰⵜⵜ ⵉⵏⵏ ⵉⴱⵓⵖⵍⴰ ⴷ ⴰⵔ ⵉⵙⵡⵓⵔⵉ ⴳ ⵜⴰⵢⵔⵣⴰ ⴷ ⵜⴰⴽⵙⵙⴰⴱⵜ ⵏ ⵓⵍⵍⵉ ⴷ ⵉⵟⵟⴰⴼ ⵜⵉⵣⴷⴰⵢⵉⵏ ⵏ ⵜⵙⴱⴱⴰⴱⵜ ⴷ ⵜⴰⵡⵙⵙⵏⴰ ⴷ ⵉⵎⵓⵏⵏ ⵏ ⵓⵎⴷⴰ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⵏⵣⵔⵓⴼⵜ ⵜⴰⵎⵇⵕⴰⵏⵜ.  ⵜⵜⵓⵙⴽⴰⵔⵏⵜ ⵜⵣⵔⴰⵡⵉⵏ ⴰⴷ ⴳ ⵜⵣⵔⴰⵡⵜ ⵏ ⵓⴷⵓⴽⵜⵓⵔⴰ ⵏ ⵓⵎⵃⴹⴰⵕ ⵃⵎⵣⴰ ⴱⵏⵄⴰⵟⵉⵢⴰ, ⵙ ⵜⵡⵉⵙⵉ ⵏ ⵓⵙⴰⵍⵎⴰⴷ ⵢⵓⵙⴼ ⴱⵓⴽⴱⴱⵓⵟ   ⵜⴰⵡⴰⴼⵉⵜ ⴰⴷ...

 ⵜⴰⵎⵙⵙⵡⵉⵜ ⵏ ⴱⵔⴰⵀⵉⵎ ⴷⵢⴰⵣ ⴱⵔⴰⵀⵉⵎ ⴷⵢⴰⵣ ⵉⵣⵎⵎⵉⵎ ⵜⴰⵎⵙⵙⵡⵉⵜ ⵏ ⵓⵎⵙⴰⵙⴰ ⵉ ⵔⵢⴰⵍ ⵎⴰⴷⵔⵉⴷ. ⵜⴰⵎⵏⵢⵓⴳⴰⵔⵜ ⵜⵙⵎⴷ ⵙ ⵜⵔⵏⴰⵡⵜ ⵏ ⵔⵢⴰⵍ ⵎⴰⴷⵔⵉⴷ ⵙ 3-2 ⵎⴳⴰⵍ ⵎⴰⵏⵛⵉⵙⵜⵔ ⵙⵉⵜⵉ.

  ⵉⵏⵏⴰ ⵓⵙⵉⵏⴰⴳ  ⴰⵏⴰⵎⵓⵔ ⵏ ⵓⵊⵢⵓⴼⵉⵣⵉⴽ, ⴰⵙⵙ ⴰⴷ ⵏ ⵓⵙⵉⵏⴰⵙ, ⵎⴰⵙ ⵢⴰⵜ ⵜⵔⴳⴰⴳⴰⵢⵜ ⵏ ⵡⴰⴽⴰⵍ ⵙⵢⴰⴼⴰⵏ ⵙⵉⵙ ⵉⵎⵣⴷⴰⵖⵏ ⵏ ⵉⵥⵍⵎⴹ ⵏ ⵍⵎⵖⵔⵉⴱ, ⴳ ⵡⴰⵎⵎⴰⵙ ⵏ ⵉⴹ, ⵜⵜⵓⵣⵎⵎⴰⵎ ⴳ ⵜⴰⵙⴳⴰ ⵏ ⵡⴰⵣⵣⴰⵏ. ⵉⵙⵙⵉⵙⴼⵉⵡ ⵏⴰⵚⵕ ⵊⴱⴱⵓⵔ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵓⵊⵢⵓⴼⵉⵣⵉⴽ, ⵎⴰⵙ ⴰⵎⵎⴰⵙⵙ ⵏ ⵜⵔⴳⴰⴳⴰⵢⵜ ⵉⵍⵍⴰ ⴳ ⵜⵖⵉⵡⴰⵏⵜ ⵏ ⴱⵔⵉⴽⵛⴰ ⴳ ⵜⴰⵙⴳⴰ ⵏ ⵡⴰⵣⵣⴰⵏ, ⴷ ⵜⴰⴷⵓⵙⵉ ⵏⵏⵙ ⵜⵍⴽⵎ 5,2 ⵏ ⵜⵙⴽⴼⴰⵍ ⴳ ⵜⴰⵙⴽⴰⵍⴰ ⵏ ⵔⵉⵛⵜⵉⵔ. ⵢⵓⵔⴰ ⵜ: ⵍⵃⵓⵙⴰⵢⵏ ⵍⵃⵓ