Umlan - ⵓⵎⵍⴰⵏ

  ⵉⵎⵎⵓⵜ ⵓⵣⴼⵣⴰⴼ ⵏ ⵔⵔⵉⴱⴰⴱ ⴰⵎⴰⵣⵉⵖ ⵍⵃⵙⵏ ⴱⵍⵎⵓⴷⴷⵏ ⵉⵡⵉⵏ ⴷ ⵉⵏⵖⵎⵉⵙⵏ ⵎⴰⵙ ⵉⵎⵎⵓⵜ ⵔⵔⴰⵢⵙ ⵍⵃⵙⵏ ⴱⵍⵎⵓⴷⴷⵏ ⴰⵙⵙ ⵏ ⴰⵢⵏⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ ⴷⴼⴼⵉⵔ ⵏ ⵜⵓⴱⴷⴷⴰ ⵏ ⵓⵍ . ⵔⵔⴰⵢⵙ ⵍⵃⵙⵏ ⵍⴰⵏⵚⴰⵔⵉ ⴱⵍⵎⵓⴷⵏ ⵏⵏⴰ ⵎⵉ ⵜⵜⵉⵏⵉ ⵍⵎⴰⵢⵙⵜⵔⵓ ⵏ ⵔⵔⵉⴱⴰⴱ ⴰⵎⴰⵣⵉⵖ, ⵉⵍⵓⵍ ⴳ ⵓⴷⵡⵡⴰⵔ ⵏ ⴱⵓⵡⴰⴱⵓⴹ ⴳ ⵜⵙⴳⴳⵉⵡⵉⵏ ⵏ ⵛⵉⵛⴰⵡⴰ ⴳ ⵓⵙⴳⴳⴰⵙ ⵏ 1961. ⵉⵙⵙⵏⵜⴰ ⴰⵖⴰⵔⴰⵙ ⵏ ⴷ ⵉⵏⵎⵖⵓⵔⵏ ⵏ ⵜⵥⵓⵕⵉ ⵏ ⵔⵔⵡⴰⵢⵙ ⴳ ⵜⵙⴳⴳⵉⵡⵉⵏ ⵏ ⵎⵕⵕⴰⴽⵛ  ⵣⵓⵏⴷ ⵄⵓⵎⴰⵔ ⵡⴰⵀⵔⵓⵛ ⴷ ⵍⵃⴰⵊⵊ ⵎⵓⵃⵎⵎⴰⴷ ⴰⵍⴱⵏⵙⵉⵔ ⴷ ⵍⵃⴰⵊⵊ ⵍⵎⵀⴷⵉ ⴱⵏ ⵎⴱⴰⵔⴽ ⴷ ⵄⴱⴷⵍⵍⴰⵀ ⴱⵏ ⴷⵔⵉⵙ ⵍⵎⵥⵓⴹⵉ ⴷ ⵎⴱⴰⵔⴽ ⴰⵢⵙⵙⴰⵔ ⴷ  ⴷ ⵍⵃⵓⵙⴰⵢⵏ ⵍⴱⴰⵣ ⴷ ⵡⵉⵢⵢⴰⴹ... ⵉⵜⵜⵓⵙⴽⴰⵔ ⴰⵙ ⵓⵙⵙⵎⵖⵔ ⴳ ⵎⵏⵏⴰⵡ ⵏ ⵜⴼⵓⴳⵍⵉⵡⵉⵏ ⵣⵓⵏⴷ ⴰⵏⵎⵓⴳⴳⴰⵔ ⵏ ⵔⵔⵡⴰⵢⵙ ⴳ ⵜⵉⵣⵏⵉⵜ ⴷ ⵉⴹ ⵏ ⵓⵙⵓⴼⵓ ⵉ ⵔⵔⵡⴰⵢⵙ ⴳ ⵓⴳⴰⴷⵉⵔ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

ⵉⵏⵏⴰⵢⵔ ⴷ ⴰⵢⵢⵓⵔ ⴰⵎⴰⵣⵉⵖ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ, ⴷⴰ ⵉⵜⵜⵎⵙⴰⵙⴰ ⴷ ⵡⴰⵙⵙ ⵡⵉⵙⵙ 14  ⵏ ⵜⵉⵣⵡⵉⵔⴰ ⵏ ⵓⵙⴳⴳⴰⵙ ⴰⴳⵔⵉⴳⵓⵔⵉ. ⴰⵙⴳⴳⵯⴰⵙ ⴰⵎⴰⵣⵉⵖ ⵏⵏⴰ ⵉⵙⵙⵏⵜⴰⵏ ⴳ ⵓⵙⴳⴳⵯⴰⵙ 950 ⴷⴰⵜ ⵏ ⵜⵍⴰⵍⵉⵜ, ⵎⴽ ⴰⵏⵏ ⴰⴼ ⵉⵣⵔⵉ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵙⴳⴳⴰⵙ ⴰⴳⵔⵉ ⴳⵓⵔⵉ ⵙ 950 ⵏ ⵓⵙⴳⴳⵯⴰⵙ. ⵉⵏⵏⴰⵢⵔ ⵉⵣⴷⵉ ⴷ ⵜⵓⴳⵜⵜ ⵏ ⵜⵉⵖⴰⵍⵉⵏ ⵢⵓⵜⵏ ⵙ ⵉⵥⵓⵕⴰⵏ ⴳ ⵓⵎⵣⵔⵓⵢ, ⵙ ⵓⵎⴷⵢⴰ ⵉⵎⴰⵣⵉⵏ ⴷⴰ ⵜⵜⵉⵖⴰⵍⵏ ⵎⴰⵙⴷ ⵡⴰⵏⵏⴰ ⵉⵙⴼⵓⴳⵍⴰⵏ ⵙ ⵉⵏⵏⴰⵢⵔ ⵉⴷⴷⴰ ⴰⴷ ⵉⴷⴷⵔ ⵢⴰⵏ ⵓⵙⴳⴳⵯⴰⵙ ⴰⵏⴰⵎⵎⴰⵔ ⵉⵎⵎⵓⵔⵙⵏ. ⵜⵉⵖⴰⵔⴰⵙⵉⵏ ⵏ ⵓⵙⴼⵓⴳⵍⵓ ⵎⵎⵣⵔⵉⵏⵜ ⵙⴳ ⵜⴰⵇⴱⵉⵍⵜ ⴰⵔ ⵜⴰⵢⵢⴰⴹ. ⵙⴽⵙⵓ ⴷ ⵓⵔⴽⵉⵎⵏ ⴷ ⵜⴰⴳⵯⵍⵍⴰ ⴷ ⵜⵉⵔⴰⵎ  ⵜⵉⵎⵇⵔⴰⵏⵉⵏ ⵏ ⵓⵙⴼⵓⴳⵍⵓ ⵙ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ.

  ⴰⵙⴰⵔⵓ ⵡⵉⵙⵙ ⴽⴽⵓⵥ  ⴰⵎⵖⵔⵉⴱⵉ ⵉⵙⴽⵔ ⵢⴰⵏ ⵓⵙⵖⵉⵡⵙ ⵉ ⵡⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ . ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ ⴷⴼⴼⵉⵔ ⵜⴰⵖⵜⵙⵜ ⵜⴰⴳⵍⴷⴰⵏⵜ ⵜⴰⵎⵣⵔⴰⵢⵜ ⵏ ⵓⵙⵖⵣⵏ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⴷ ⵉⴳ ⵢⴰⵜ ⵜⵏⵓⵕⵥⵎⵜ ⵜⴰⵎⴰⴷⴷⵓⴷⵜ . ⴷⴰ ⵜⵙⵙⵓⵎⵓⵔ ⵜⴱⴰⴷⵓⵜ ⵜⵉⵙⵙ ⴽⴽⵓⵥⵜ ⵜⴰⵎⵖⵔⵉⴱⵉⵜ ⵢⴰⵏ ⵓⵙⵖⵉⵡⵙ ⵉⵥⵍⵉⵏ ⵙ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵙⵙ ⵏ ⵓⵙⵉⵏⴰⵙ 14 ⵉⵏⵏⴰⵢⵔ. - ⴰⵖⴰⵡⴰⵙ "ⴰⴷⵍⵉⵙ ⴳ ⵜⵉⴽⵜⵉⵜ" : ⵔⴰ ⵉⵙⵏⵓⴱⴳ ⵎⴰⵙ ⴰⵃⵎⴰⴷ ⵄⴰⵚⵉⴷ ⴳ ⵜⴰⵙⵔⴰⴳⵜ ⵜⵉⵙⵙ 20 :45 ⵏ ⵉⴹ. - ⴰⵖⴰⵡⴰⵙ ⵏ "ⴰⵎⵉⵏⴰⴳ" : ⴰⴼⴰⵔⵙ ⴰⵎⴰⵙⵙⴰⵏ ⴰⵎⴰⵣⵉⵖ : ⵜⴰⵎⴰⵖⵓⵏⵜ ⴷ ⵉⵎⵏⵉⴷⵏ ⴳ ⵜⴰⵙⵔⴰⴳⵜ ⵜⵉⵙⵙ 9 ⵏ ⵉⴹ. - ⴰⵖⴰⵡⴰⵙ "ⴰⵏⵎⵓⵇⵇⴰⵔ ⵉⵥⵍⵉⵏ" : ⴰⵙⵏⵓⴱⴳ ⵏ ⵎⴰⵙ ⴰⵃⵎⴰⴷ ⴱⵓⴽⵓⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⵏ ⵓⵙⵉⵏⴰⵙ 14 ⵄⵏⵏⴰⵢⵔ ⴳ ⵜⴰⵙⵔⴰⴳⵜ ⵜⵉⵙⵙ 10 ⵏ ⵉⴹ.

ⵜⴰⵙⴷⴰⵡⵉⵜ ⵏ ⵓⵏⴱⴷⵓ ⵏ ⵓⴳⴰⴷⵉⵔ ⵔⴰ ⵜⵙⴽⵔ ⵢⴰⵜ ⵜⵉⵏⴰⵡⵜ ⴳ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ. ⵙ ⵜⵎⵍⴷⴰ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2975, ⵏⵏⴰ ⵔⴰ ⵉⵥⵍⵉⵏ ⵙ ⵜⴼⵓⴳⵍⵉⵡⵉⵏ ⵏ ⵓⵡⴰⵏⴽ ⵙ ⵢⴰⵏ ⵓⴷⵎ ⵓⵏⵕⵉⴱ ⴷⴼⴼⵉⵔ ⵏ ⵜⴰⵖⵜⴰⵙⵜ ⵜⴰⴳⵍⴷⴰⵏⵜ ⵏ ⵓⵙⵓⴷⴻⴷ  ⵏ ⵉⵅⴼ ⵏ ⵓⵙⴳⴳⴰⵙ ⴰⵎⴰⵣⵉⵖ ⴰⴼⴰⴷ ⴰⴷ ⵉⴳ ⵢⴰⵜ ⵜⴼⵓⴳⵍⴰ ⵜⴰⵏⴰⵎⵓⵔⵜ ⵜⵓⵏⵚⵉⴱⵜ ⴽⵓ ⴰⵙⵙ ⵏ 14 ⵉⵏⵏⴰⵢⵔ ⴳ ⵓⵙⴳⴳⵯⴰⵙ. ⵔⴰ ⵜⵙⴽⵔ ⵜⴰⵙⴷⴰⵡⵉⵜ ⵏ ⵓⵏⴱⴷⵓ ⴰⴳⴰⴷⵉⵔ ⵢⴰⵜ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵎⵇⵇⵓⵕⵏ, ⴷ ⵔⴰ ⵜⵙⵉⵎⵖⵓⵕ ⵙ ⴽⵔⴰ ⵏ ⵉⵙⵎⴰⵡⵏ ⵙⵙⵓⴳⵔⵏⵉⵏ ⴳ ⵉⴳⵔ ⵏ ⵜⴰⵡⵙⵙⵏⴰ ⴷ ⵜⵥⵓⵕⵉ ⵜⵉⵎⴰⵣⵉⵖⵉⵏ, ⴰⵙⵙ ⵏ ⵓⵙⴰⵎⴰⵙ 12 ⵉⵏⵏⴰⵢⵔ 2025 ⴳ ⵓⵙⴰⵢⵔⴰⵔ ⵏ ⵜⵓⵔⵜⵉⵜ ⵏ ⵓⵍⵀⴰⵡ ⴳ ⵓⴳⴰⴷⵉⵔ ⴳ ⵉⴼⴼⵓⵙ ⵏ ⵍⵎⵖⵔⵉⴱ.