Umlan - ⵓⵎⵍⴰⵏ

ⴰⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⵉⵇⴰⵡⵍ ⵙ ⵓⵎⵙⵓⴼⵖ ⵏ  " ⵜⵉⵡⵙⵉⵡⵉⵏ ⵏ ⵜⵎⴰⵣⵉⵖⵜ" ⴳ ⵜⵉⵏⵎⴰⵍ ⵜⵉⵎⵣⵡⵓⵔⴰ ⵉⵏⵏⴰ ⵎⵓⵃⵎⵎⴰⴷ ⴱⵕⵕⴰⴹⴰ ⴰⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵎⴰⵙ ⵜⵜⵓⵙⴽⴰⵔ ⵢⴰⵜ ⵜⵔⴰⴱⴱⵓⵜ ⵏ ⵜⵎⵓⵣⴰⵢⵜ ⵜⴰⵏⴰⵎⵓⵔⵜ ⵉⵙⵎⵓⵏⵏ ⵉⵎⴳⴳⵉⵡⵙⵏ ⴷ ⵉⵙⴰⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴼⴰⴷ ⴰⴷ ⵙⵙⵓⵊⴰⴷⵏ  ⴰⵎⵎⴰⴽⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵎⵜⵜⴰⵡⵉⵏ ⵉⵥⵍⵉⵏ ⵙ ⵜⵉⵣⵉ ⵏ ⵡⴰⵏⵏⴰⵍ ⵙ ⵜⵎⵢⴰⴷⴰⵙⵜ ⵏ  TARL. ⴰⴷⵍⴰⵎⵓⵏ ⴰⵥⵍⴰⵢ ⵏ ⵉⵍⵎⵎⵓⴷⵏ ⴳ ⵜⵎⵜⵜⴰ ⵉ ⵡⵙⵖⵉⵡⵙ ⵏ ⵓⵏⵏⴰⵍ ⴷ ⵓⵎⴰⵎⵏⴽ ⵏ ⵓⵙⵖⵉⵡⵙ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⴳ ⵜⵉⵣⵉ ⴰⴷ ⵙ ⵓⵡⵜⵜⴰⵙ ⵏ ⵓⵙⵙⵓⵔⴼ ⵏ ⵜⵎⵓⴽⵔⵉⵙⵉⵏ ⵏⵏⴰ ⵉⵍⵍⴰⵏ ⴳ ⵜⵡⵉⵍⴰⵜⵉⵏ ⵜⵉⴽⵓⴷⴰⵏⵉⵏ ⵍⵍⵉ ⵙ ⴰⵙⵡⵓⵔⵉⵏ. ⵉⵏⵏⴰ ⴷⴰⵖ ⵎⴰⵙⵙ ⴱⵕⵕⴰⴹⴰ ⵎⴰⵙ ⵜⴰⵎⴰⵡⴰⵙⵜ ⴷⴰ ⵜⵙⵡⵓⵔⵉ ⴳ ⵓⵣⵣⵓⴳⵣ  ⵉⵎⵉⴽⴽ ⵙ ⵉⵎⵉⴽⴽ ⵏ ⵓⵖⴰⵡⴰⵙ ⵉⵥⵍⵉⵏ ⵙ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⴰⵍ ⵜⵉⵎⵣⵡⵓⵔⴰ. ⵢⵓⵔⴰ ⵜ : ⵎⴰⵙⵙ ⵍⵃⵓⵙⴰⵢⵏ ⵍⵃⵓ  

ⵜⴰⵎⵔⴰⵔⵓⵜ ⵏ ⵓⵎⴰⵡⴰⵙ ⴱⵕⵕⴰⴹⴰ ⴼ ⵓⵙⵇⵙⵉ ⵉⵥⵍⵉⵏ ⵙ ⵓⵙⵎⴰⵜⴰ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ. ⵉⵏⵏⴰ ⵓⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⴰⵎⵖⵔⴰⴱⵉ, ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴹⴰ, ⵎⴰⵙ 650 ⵉⴼⴹⴰⵏ ⴷ 936 ⵏ ⵓⵏⵍⵎⴰⴷ ⴰⴷ ⵉⵙⵢⴰⴼⴰⵏ ⴷⵖⵉ ⵙⴳ ⵓⵙⵙⵍⵎⴷ ⵏ ⵜⵎⴰⵣⵉⵖⵜ, ⴷ ⵜⵉⴳⵎⵉⴹⵉ ⵏ ⵓⵖⵎⴰⵙ ⵏ ⵜⵉⵏⵎⴰⵍ ⵉⵍⴽⵎ 40 ⵉ ⵜⵎⵉⴹⵉ. ⴷ ⵉⵙⵙⵎⵜⵔ ⴱⵕⵕⴰⴹⴰ ⴷ ⵜⵎⵔⴰⵔⵓⵜ ⵏⵏⵙ ⴼ ⵢⴰⵏ ⵓⵙⵇⵇⵙⵉ ⴼ "ⵜⵉⵏⴽⵔⵉ ⵙ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ" ⴳ ⵜⵖⵉⵎⵉⵜ ⵏ ⵉⵙⵇⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⴰⴱⵉ, ⴰⵢⵏⴰⵙ, ⵎⴰⵙ ⵉⵍⴽⵎ ⵓⵟⵟⵓⵏ ⵏ ⵜⵉⵏⵎⴰⵍ ⵏⵏⴰ ⴳ ⵜⵜⵓⵙⵙⵍⵎⴰⴷ ⵜⴰⵎⴰⵣⵉⵖⵜ 3400, ⴷ ⵓⵟⵟⵓⵏ ⵏ ⵉⵙⵍⵎⴰⴷⵏ ⵉⵍⴽⵎ 3400 ⵏ ⵓⵙⵍⵎⴰⴷ. ⴷ ⵉⵏⵏⴰ ⵎⴰⵙ ⵓⵟⵟⵓⵏ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵓⵔ ⵉⵣⵔⵉ 200 ⵏ ⵓⵙⵍⵎⴰⴷ ⴳ ⵓⵙⴳⴳⵯⴰⵙ ⵏ 2023, ⵉⵔⵏⴰ ⵓⵟⵟⵓⵏ ⵙ 650 ⵏ ⵓⵙⵍⵎⴰⴷ ⴳ ⵓⵙⴳⴳⵯⴰⵙ ⵏ 2024.   ⴷ ⵉⵙⵙⵎⵉⵔ ⴱⵕⵕⴰⴹⴰ ⵎⴰⵙ ⵔⴰ ⴷ ⵜⵜⵓⵙⵎⵓⵜⵜⴳ ⵓⵓⴳⴳⴰⵔ ⵏ 3000 ⵏ ⵓⵙⵍⵎⴰⴷ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⵙ  ⵉⵥⵍⵉ ⴰⵢⵓⴳⴰⵏ ⴳ ⵉⴳⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵎⴰⵢ ⴰⴷ ⵉ ⵓⵙⴼⵓⵍⴽⵉ ⵏ ⵓⵙⵎⴰⵜⴰ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ