Umlan - ⵓⵎⵍⴰⵏ

ⴰⵙⴱⴷⴻⴷ ⵏ ⵜⵔⴰⵎⴱ ⴰⵏⵙⵙⵉⵅⴼ ⵏ ⵉⵡⴰⵏⴽⵏ ⵉⵎⵓⵏⵏ   ⵉⵎⵉⵔⵉⴽⴰⵏⵉⵢⵏ. ⵉⵖⵔⴰ ⵓⵏⵙⵙⵉⵅⴼ ⵓⴼⵔⵉⵏ ⵏ ⵎⵉⵔⵉⴽⴰⵏ ⴷⵓⵏⴰⵍⴷ ⵜⵔⴰⵎⴱ, ⴰⵙⵙ ⴰⴷ, ⵜⴰⴳⴰⵍⵍⵉⵜ ⵜⴰⴷⵙⵜⵔⵜ ⴰⴼⴰⴷ ⴰⴷ ⵉⴳ ⴰⵏⵙⵙⵉⵅⴼ ⵡⵉⵙⵙ 47 ⵏ ⵉⵡⴰⵏⴽⵏ ⵉⵎⵓⵏⵏ ⵉⵎⵉⵔⵉⴽⴰⵏⵉⵢⵏ. ⵎⴽⵍⵍⵉ ⵉⵖⵔⴰ ⵊⵉ ⴷⵉ ⴼⴰⵏⵙ ⴰⵡⴷ ⵏⵜⵜⴰⵏ ⵜⴰⴳⴰⵍⵍⵉⵜ ⵜⴰⴷⵙⵜⴰⵔⵜ ⴰⴷ ⵉⴳ ⴰⵎⴰⵔⵉ ⵏ ⵓⵏⵙⵙⵉⵅⴼ. ⵜⵉⵙⵙ ⵙⵏⴰⵜ ⵜⵉⴽⴽⴰⵍ ⴰⴷ ⵉⴽⵛⵛⵎ ⵜⵔⴰⵎⴱ ⵙ ⵜⴳⵎⵎⵉ ⵜⵓⵎⵍⵉⵍⵜ ⴷⴼⴼⵉⵔ ⵎⴰ ⵉⵙⵎⴷ ⵓⵣⵎⵣ ⵏⵏⵙ ⴰⵎⵣⵡⴰⵔⵓ ⴳ 2021, ⵍⵍⵉⵖ ⴰⵙ ⵜⵜⵓⵙⴽⴰⵔ ⵜⴼⵓⴳⵍⴰ ⵏ ⵓⵙⴱⴷⴻⴷ ⵏⴳⵔ ⴰⴽⴰⴱⵉⵜⵓⵍ ⴷ ⵜⴳⵎⵎⵉ ⵜⵓⵎⵍⵉⵍⵜ ⵙ ⵜⵉⵍⵉⵜ ⵏ ⵜⵉⵎⴰⴹ ⵏ ⵉⵡⵔⵉⴽⵏ ⵙⴳ ⵓⵎⴰⴹⴰⵍ ⴰⴽⴽⵯ, ⴷ ⵜⵜⵓⵙⴽⴰⵔ ⵜⴼⵓⴳⵍⴰ ⴳ ⵡⴰⵎⵎⴰⵙ ⵓⵔ ⴷ ⵣⵓⵏⴷ ⵜⴰⵎⵢⵓⵔⵜ ⵙ ⵓⵙⵔⴰⴳ ⵏ ⵡⴰⴷⴷⴰⴷ ⵏ ⵓⵏⵣⵡⵉ ⵏⵏⴰ ⴱⴰⵀⵔⴰ ⵉⵅⵛⴻⵏⵏ ⴰⵙⵙ ⴰⵏⵏ.

  ⵉⵙⵏⵓⴱⴳ ⵓⵎⴰⴹⴰⵍ ⴰⵙⴳⴳⵯⴰⵙ ⴰⵎⴰⵢⵏⵓ 2025 ⵙ ⵜⵓⵔⴰⵔⵉⵏ   ⵏ ⵜⵎⵙⵙⵉ ⴷ ⵜⴼⵓⴳⵍⵉⵡⵉⵏ, ⵎⴽⵍⵍⵉ ⵜⵙⵏⵓⴱⴳⵏ  ⵉⵖⵔⴼⴰⵏ ⵙ ⵜⵥⴰⵍⵍⵉⵜ ⴷ ⵜⵓⵜⵔⴰ, ⵏⵏⵓⵔⵣⵏ ⴰⴷ ⵉⴽⵜⵓⵔ ⵙ ⵓⴼⵔⴰ ⴷ ⵜⵓⵎⵎⵔⵜ. ⵜⵓⴳⵜⵜ ⵏ ⵜⵎⵉⵣⴰⵔ ⵙⴼⵓⴳⵍⴰⵏⵜ ⵉⵅⴼ ⵏ ⵓⵙⴳⴳⵯⴰⵙ : ⴳ ⵙⵓⵔⵢⴰ, ⵜⵉⵎⴰⴹ ⵏ ⵉⵙⵓⵔⵉⵢⵏ ⵙⵏⵓⴱⴳⵏ ⴳ ⵓⵙⴰⵔⴰⴳ ⵏ ⵍⵓⵎⴰⵡⵢⵉⵏ ⴳ ⴷⵉⵎⴰⵛⵇ, ⵙ ⵉⴼⵅⵙⴰⵢ ⴷ ⵉⵣⵍⴰⵏ  ⵏ ⵜⴰⴳⵔⴰⵡⵍⴰ, ⴰⵙⴳⴳⵯⴰⵙ ⵏ 2025, ⵓⵎⵏⵏ ⵎⴰⵙ ⴰⵙⴳⴳⵯⴰⵙ ⴰⴷ ⴰⵎⵣⵡⴰⵔⵓ ⴷⴼⴼⵉⵔ ⵙⵎⵎⵓⵙ ⵏ ⵜⵎⵔⵡⴰⵏⵉⵏ ⴱⵍⴰ ⵜⴰⵏⴱⴰⴹⵜ ⵏ ⴱⴰⵛⵛⴰⵔ ⵍⴰⵙⴰⴷ ⵢⴰⵏ ⵉⵎⴰⵍ ⵢⵓⴼⵏ. ⴳ ⵎⵉⵚⵔ, ⴽⵜⵓⵔⵏ ⵉⴳⵏⵡⴰⵏ ⵏ ⵍⵇⴰⵀⵉⵔⴰ ⵙ ⵓⵔⴰⵔⵏ ⵏ ⵜⵎⵙⵙⵉ ⴳ ⵓⵙⴱⵔⵔⴽ ⵏ ⵓⵙⴳⴳⵯⴰⵙ ⴰⵎⴰⵢⵏⵓ. ⴳ ⵇⴰⵟⴰⵔ, ⵜⵣⵔⵉ ⴳ ⵜⵎⴷⵉⵏⵜ ⵏ ⵍⵓⵙⵉⵍ ⵜⴰⵎⴰⵢⵏⵓⵜ ⵜⵉⴼⵓⴳⵍⵉⵡⵉⵏ ⵏ ⵓⵎⴰⵜⴰ ⵏ ⵎⵉⴷⴷⵏ ⵍⵍⵉ ⵉⵎⵓⵏⵏ ⴰⴷ ⵥⵕⵏ ⵜⴰⵍⴰⵍⵉⵜ ⵏ ⵓⵙⴳⴳⵯⴰⵙ ⴰⵎⴰⵢⵏⵓ. ⵜⵉⵖⵔⵎⵜ ⵏ ⴷⵓⴱⴰⵢ ⵜⵙⴼⵓⴳⵍⴰ ⵙ ⵉⵅⴼ ⵏ ⵓⵙⴳⴳⵯⴰⵙ 2025 ⵙ ⵢⴰⵏ ⵓⵙⵎⵏⵉⴷ ⴰⵎⵇⵕⴰⵏ ⵉⵙⵎⵓⵏ ⴰⵙⵙⵓⴼⵖ ⵏ ⵓⴳⴳⴰⵔ ⵏ 45 ⵏ ⵓⵙⵎⵏⵉⴷ ⵏ ⵓⵔⴰⵔⵏ ⵏ ⵜⵎⵙⵙⵉ ⴳ 36 ⵏ ⵓⴷⵖⴰⵔ. ⵎⴽ ⵍⵍⵉ ⴼⴰⵡⵏⵜ ⵜⵙⵓⴽⵉⵏ ⴷ ⵉⴷⵖⴰⵔⵏ ⵏ ⵜⵎⴰⵍⵍⴰⵢⵜ ⴳ ⵉⵙⵜⴰⵏⴱⵓⵍ ⴳ ⵜⵓⵕⴽⵢⴰ ⴳ ⵓⵙⴼⵓⴳⵍⵓ ⵙ ⵉⴹ ⵏ ⴰⵙⵙ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ 2025. ⴳ ⴰⵍⵎⴰⵏⵢⴰ ⵣⵔⵉⵏⵜ ⴳⵉⵙ ⵜⴼⵓⴳⵍⵉⵡⵉⵏ ⵙ ⵜⵥⵓⴳⴰⵢⵜ  "ⴰⵏⵙⵓⴼ ⵙ 2025" ⵉⵜⵜⵓⵙⴽⴰⵔ ⴳⵉⵙ ⵢⴰⵏ ⵓⵎⵓⵙⵙⵓ ⴰⵅⴰⵜⴰⵔ ⴳ ⵉⵎⵉ ⵏ ⴱⵔⴰⵏⴷⴱⵓⵔⴳ ⴰⵎⵣⵔⴰⵢ ⴳ ⴱⵉⵔⵍⵉⵏ. ⵜⵙⵏⵓⴱⴳ ⵀⵓⵏⴽⵓⵏⴳ ⵢⴰⵏ ⵓⵙⵎⵏⵉⴷ ⵎⵇⵇⵓⵔⵏ ⵏ ⵓⵔⴰⵔⵏ ⵏ ⵜⵎⵙⵙ...