Umlan - ⵓⵎⵍⴰⵏ

ⴰⵙⵙ ⵏⵏⵖ ⵙ ⵜⵎⵍⴷⴰ ⵏ ⵡⴰⵙⵙ ⵏⵏⵖ, ⵍⵍⵉ ⴷ ⵢⵓⵙⴰⵏ ⴷ 15 ⵉⴱⵔⵉⵔ ⴳ ⴽⵓ ⴰⵙⴳⴳⵯⴰⵙ , ⵉⴷⴷⴰ ⴰⴷ ⵉⵙⴽⵔ ⵡⴰⵎⵎⴰⵙ ⴰⵍⵉⴱⵉ ⵏ ⵜⵖⵓⵔⵉⵡⵉⵏ ⵢⴰⵏ ⵉⴳⵉⵡⵔ ⴰⵏⵎⵙⴰⵡⴰⵍ ⵙ ⵓⵣⵡⵍ ⵏ : ⴰⵎⵎⴰⵙ ⴰⵍⵉⴱⵉ ⵏ ⵜⵖⵓⵔⵉⵡⵉⵏ ⵉ ⴽⵓ ⵢⴰⵏ ⴷ ⵙ ⴽⵓ ⵢⴰⵏ. ⴰⵙⵙ ⵏ ⵓⵙⵉⵏⴰⵙ 15 ⵉⴱⵔⵉⵔ 2025 ⴳ ⵜⴰⵙⵔⴰⴳⵜ ⵜⵉⵙⵙ ⵚⴹⵉⵚⵜ ⵏ ⵜⵎⴷⴷⵉⵜ. ⴰⵙⵙ ⵏⵏⵖ ⴷ ⵢⴰⵜ ⵜⵎⵍⴷⴰ ⵜⴰⵙⴳⵯⵙⴰⵏⵜ ⵉⵙⴽⵔ  ⵜⵜ  ⵓⵎⵎⵓⵙⵙⵓ ⴰⵎⴰⵖⵉⵖ ⴰⵍⵉⴱⵉ ⴰⴼⴰⴷ ⴰⴷ ⵉⵙⵙⴽⵜⴰⵢ ⵙ ⵜⵖⵕⵚⴰⵡⵉⵏ ⵎⵇⵇⵓⵕⵏ ⵍⵍⵉ ⵉⴳⴰ ⵓⵎⵎⵓⵙⵙⵓ ⴰⵎⴰⵣⵉⵖ ⵉ ⵓⵙⵉⵜⵜⵉ ⵏ ⵓⵎⵓⵜⵜⵍ ⵅⴼ ⵜⵓⵜⵍⴰⵢⵜ ⴷ ⵜⴰⵡⵙⵙⵏⴰ ⵜⴰⵎⴰⵣⵉⵖⵜ  ⴷ ⵓⵙⵉⵜⵜⵉ ⵏ ⵜⵃⴳⴳⴰⵕⵜ ⵍⵍⵉ ⴳ ⵍⵍⴰⵏ ⵉⵎⴰⵣⵉⵖⵏ ⵙ ⵓⵎⴰⵜⴰ. ⵉⵜⵜⵓⵙⵜⴰⵢ ⵉⵎⵔⵙⵉ ⵏ ⵉⴳⵉⵡⵔ " ⴰⵎⵎⴰⵙ ⴰⵍⵉⴱⵉ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⵉ ⵎⵉⴷⴷⵏ ⵎⴰⵕⵕⴰ ⴷ ⵙ ⵎⵉⴷⴷⵏ ⵎⴰⵕⵕⴰ" ⴰⴼⴰⴷ ⴰⴷ ⵜⵍⴽⵎ ⵜⴱⵔⴰⵜ ⵏ ⵎⴰⵙ  ⵎⵉⴷⴷⵏ ⴰⴽⴽⵯ ⵖⵉⵏ ⴰⴷ  ⵙⵡⵓⵔⵉⵏ , ⴰⵡⵙⵏ, ⵉⵏⵉⵏ ⵜⴰⵏⵏⴰⵢⵉⵏ ⵏⵏⵙⵏ.

ⵜⴰⴼⵙⵓⵜ ⵏ ⵉⵎⴰⵣⵉⵖⵏ ⵜⴰⴼⵙⵓⵜ ⵏ ⵉⵎⴰⵣⵉⵖⵏ ⵜⴳⴰ ⵢⴰⵜ ⵜⵖⵓⵢⵢⵓⵜ ⵜⴰⴷⵍⵙⴰⵏⵜ ⴷ ⵓⵎⵎⵓⵙⵙⵓ ⴰⵎⴷⵏⴰⵏ ⵉⵏⴽⵔ ⴳ ⵓⵣⵎⵣ ⵏⴳⵔ 20 ⵉⴱⵔⵉⵔ 1980 ⵍ - 3 ⵎⴰⵢⵢⵓ 1980) ⴳ ⵜⴰⵙⴳⴰ ⵏ ⵍⵇⴱⴰⵢⵍ ⴳ ⴷⴷⵣⴰⵢⵔ ⵙ ⵓⵡⵜⵜⴰⵙ ⵏ ⵜⵓⵙⵏⵜ ⵏ ⵜⵎⴰⴳⵉⵜ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⴷⴷⵣⴰⵢⵔ. ⵣⵔⵉⵏⵜ ⵜⵎⵙⴰⵔⵉⵏ ⴳ ⵜⵙⴳⴳⵉⵡⵉⵏ ⵏ ⵍⵇⴱⴰⵢⵍ ⴷ ⵜⵎⴰⵥⵓⵏⵜ ⵏ ⴷⴷⵣⴰⵢⵔ ⴷ ⵜⵉⵖⵔⵎⵉⵏ ⵏ ⵜⵉⵣⵉ ⵡⵣⵣⵓ ⴷ ⵜⵉⵣⵉ ⵏ ⴰⵢⵜ ⵄⵉⵛⴰ ⴷ ⵜⵉⴳⵣⵉⵔⵜ ⵏ ⴰⵢⵜ ⵎⵣⵖⵏⵏⴰ. ⵎⴰⵢ ⴰⴷ ⵢⵓⵙⴰ ⴷ ⴷⴼⴼⵉⵔ ⴰⵙⵉⵜⵜⵉ ⵏ ⵜⵏⴱⴰⴹⵜ ⵜⴰⴷⵣⴰⵢⵔⵉⵜ ⵏ ⵜⴰⵢⵙⵉ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⴷⴼⴼⵉⵔ ⵏ ⵓⴳⴷⴷⵓⵍ ⵏ ⵜⵉⵏⴰⵡⵜ ⵏ ⵓⵎⴰⵔⴰ ⴷ ⵓⵎⵔⵣⵓ ⵎⵓⵍⵓⴷ ⵎⵄⵎⵎⵔⵉ ⴳ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ ⵍⵍⵉ ⵜⵜⵉⵏⵏ ⵉⴽⴽⴰⵏ ⵔⴰ ⵜⵉⵍⵉ ⴳ ⵜⵙⴷⴰⵡⵉⵜ ⵏ ⵜⵉⵣⵉ ⵡⵣⵣⵓ. ⴱⵍⴰ ⴰⴷ ⵜⴼⴽ ⴰⵡⴷ ⵛⴰ ⵏ ⵉⵙⴼⵔⵓⵜⵏ, ⵜⵎⵎⴰⵙⵙ ⵢⴰⵜ ⵜⵏⴽⵔⴰ ⵜⴰⵎⵇⵔⴰⵏⵜ ⵍⵍⵉ ⵙⴱⴷⴷⵏⵜ ⵜⵉⵏⴱⴰⴹⵉⵏ ⵏ ⵜⴼⵍⴰⵙⵜ ⵜⵉⴷⵣⴰⵢⵔⵉⵢⵉⵏ, ⵎⴰⵢ ⴰⵏⵏ ⵉⵙⵔⴳ ⴳ ⵉⵎⵎⵓⵙⵙⵓⵜⵏ ⵎⵇⵇⵓⵔⵏ ⴳ ⵜⵉⵣⵉ ⵡⵣⵣⵓ ⵍⵍⵉⴳ ⵓⵍⵍⵏ ⵉⵎⴷⵔⴰⵡⵏ ⵜⵉⵥⵓⴳⴰⵢ ⵏ ⵓⵙⵉⵜⵜⵉ ⴷ ⵓⴷⵍⵇⵎ. ⵉⵍⵎⵎⴰ ⴽⵛⵎⵏⵜ ⵜⵉⴳⴳⴰⵍⵉⵏ ⵏ ⵜⴼⵍⴰⵙⵜ ⵉⴷⵖⴰⵔⵏ ⴰⴽⴽⵯ ⵍⵍⵉⴳ ⵍⵍⴰⵏ ⵉⵎⵙⴽⴰⵏⵏ, ⵜⵜⵢⴰⵎⴰⵥⵏ ⵜⵓⴳⵜⵜ ⵏ ⵉⵎⵖⵏⴰⵙⵏ ⴷ ⵎⵎⵓⵜⵏ ⵓⴳⴳⴰⵔ ⵏ 120 ⵏ ⵓⵎⵖⵏⴰⵙ ⴷ ⵜⵜⵢⴰⴳⴰⵙⵏ 5000 ⵏ ⵓⵎⵖⵏⴰⵙ.

  ⵎⵓⵃⴰⵎⵎⴰⴷ ⵍⵎⴰⵏⴼⵉ ⵉⵙⵏⵓⴱⴳ ⵜⴰⵣⴷⴷⵓⵢⵜ ⵏ ⵓⵎⵎⵓⵙⵙⵓ ⴰⵎⴰⵣⵉⵖ ⴰⵍⵉⴱⵉ ⴳ ⵓⵙⵏⵓⴱⴳ ⵏⵏⵙ ⵉ ⵜⵣⴷⴷⵓⵢⵜ ⵏ ⵓⵎⵎⵓⵙⵙⵓ ⴰⵎⴰⵣⵉⵖ, ⵍⵍⵉ ⵉⵙⵎⵓⵏⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⴰⵣⵉⵖⵏ ⵏ ⵍⵉⴱⵢⴰ , ⵉⵏⵏⴰ ⵎⵓⵃⴰⵎⵎⴰⴷ ⵍⵎⴰⵏⴼⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵏⵙⵙⵉⵅⴼⵜ  ⵏ ⵍⵉⴱⵢⴰ ⵎⴰⵙ ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵣⵔⴰⴽ ⵏ ⵉⴼⵔⴷⴰⵙ ⵉⵏⴰⵎⵓⵏⵏ ⴰⴽⴽⵯ ⵏ ⵍⵉⴱⵢⴰ  ⴷ ⵡⴰⴷⴷⵓⵔ ⵏ ⵜⵣⴷⴰⵢⵜ ⵏⴳⵔ ⵉⴼⵔⴷⴰⵙ ⵎⴰⵏ ⵢⴰⵜ ⵜⵓⵟⵟⵓⵜ ⵓⵔ ⵉⵜⵜⵓⴱⴹⴰⵡⵏ ⵙⴳ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵜⴰⵍⵉⴱⵉⵜ , ⴷ ⵉⵙⵙⴽⵕⵥ ⵎⴰⵙ ⵉⵎⴰⵍ ⵏ ⵍⵉⴱⵢⴰ ⵜⵙⵖⴰⵡⵙⴰ ⵉ ⵢⴰⵜ ⵜⵣⴷⴰⵢⵜ ⴷ ⵓⵙⵙⴷⵓⵙ ⵏ ⵜⵣⵎⵎⴰⵔ ⵏ ⴽⵓ ⵢⴰⵏ ⴷ ⵉ ⵡⵙⵡⵉⵏⴳⵎ ⴽⴰ ⴳ  ⵜⵏⴰⴼⵓⵜ ⵏ ⵡⴰⵎⵓⵔ . ⵢⵓⵔⴰ ⵜ : ⵎⴰⵙⵙ ⵍⵃⵓⵙⴰⵢⵏ ⵍⵃⵓ

  ⵉⵎⴰⵣⵉⵖⵏ ⵏ ⵍⵉⴱⵢⴰ ⵙⴽⵔⵏ ⵢⴰⵏ ⵓⵎⵎⵓⵙⵙⵓ ⴰⵏⴳⵔⴰⵢ ⴳ ⵜⵎⴰⵥⵓⵏⵜ ⵏ ⵍⵉⴱⵢⴰ ⵟⵕⴰⴱⵍⵓⵙ ⵎⴳⴰⵍ ⵜⴰⵎⵙⴰⵔⵜ ⵏ  ⵓⵍⵍⵙ ⵏ ⵓⵛⵏⵢⴰⵍ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ. ⵉⵎⴷⵔⴰⵡⵏ ⵓⵙⴰⵏ ⴷ ⵙⴳ  ⵜⵉⵖⵔⵎⵉⵏ ⴷ ⵜⵙⴳⴳⵉⵡⵉⵏ ⴰⴽⴽⵯ ⵍⵍⵉ ⵢⵓⵜⵍⴰⵢⵏ ⵙ ⵉⵍⵙ ⴰⵎⴰⵣⵉⵖ ⴳ ⵍⵉⴱⵢⴰ. ⵢⵓⵔⴰ ⵜ: ⵎⴰⵙⵙ ⵍⵃⵓⵙⴰⵢⵏ ⵍⵃⵓ

ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⴰⵣⵉⵖⵏ ⵏ ⵍⵉⴱⵢⴰ ⵉⵙⵙⵎⵉⵔ ⴰⵙⵙ ⵏ ⵓⴽⵕⴰⵙ ⴰⴷⴷ ⵢⵓⵙⴰⵏ ⴷ ⴰⵙⵙ ⵏ ⵜⵏⵓⵕⵥⵎⵜ ⵜⵓⵙⵍⵉⴷⵜ ⴳ ⵜⵖⵕⵎⵉⵏ ⴷ ⵜⵙⴳⴳⵉⵡⵉⵏ ⵍⵍⵉ ⵉⵙⴰⵡⵍⵏ ⵜⴰⵎⴰⵣⵉⵖⵜ ⴳ ⵍⵉⴱⵢⴰ, ⴰⴼⴰⴷ ⴰⴷ ⵖⵉⵏ ⵉⵏⴰⵎⵓⵔⵏ ⴰⴽⴽⵯ ⴰⴷ ⴷⵔⵓⵏ ⴳ ⵜⵡⴰⴷⴰ ⵜⴰⵏⴳⵔⴰⵢⵜ ⵍⵍⵉ ⵉⴷⴷⴰⵏ ⴰⴷ ⵢⵉⵍⵉⵏ  ⴰⵙⵙ ⵏ ⴰⴽⵕⴰⵙ 26 ⴱⵕⴰⵢⵔ 2025 ⴳ ⵟⵕⴰⴱⵍⵓⵙ. ⵉ ⵡⵙⵏⴰⵍ ⵏ ⵓⵎⵎⵓⵙⵙⵓ ⴰⵏⴳⵔⴰⵢ ⴷ ⵜⵖⵔⵎⵉⵏ ⴷ ⵜⵙⴳⴳⵉⵡⵉⵏ ⵜⵉⵎⴰⵣⵉⵖⵉⵏ ⵎⴳⴰⵍ ⵜⴰⵎⵙⴰⵔⵜ ⵏ  ⵓⵍⵍⵙ ⵏ ⵓⵛⵏⵢⴰⵍ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ.