Umlan - ⵓⵎⵍⴰⵏ

ⵚⴱⴰⵏⵢⴰ ⵜⵙⵙⵏⵜⴰ ⵢⴰⵜ ⵜⵙⵓⵔⵉⴼⵜ ⵜⴰⵎⴰⵢⵏⵓⵜ ⵏ ⵜⵖⵓⵔⵉ ⵏ ⵓⴳⵕⴹ ⵏ ⵓⴷⵔⴰⵔ ⵏ ⵟⴰⵕⵉⵇ ⵉ ⵡⵙⵏⵜⵉ ⵏ ⵉⴼⵔⵉ ⴳⵔ ⵜⴰⵏⵊⴰ ⴳ ⵍⵎⵖⵔⵉⴱ ⴷ ⵜⴰⵔⵉⴼⴰ ⴳ ⵚⴱⴰⵏⵢⴰ. ⵜⵥⵍⵉ ⵜⴰⵏⴱⴰⴹⵜ ⵏ ⵚⴱⴰⵏⵢⴰ 486,420 ⵓⵔⵓ ⵉ ⵓⴽⵔⵔⵓ ⵏ ⵡⴰⵍⵍⴰⵍⵏ ⵏ ⵙⵉⵙⵎⵓⵎⵉⵜⵔ ⴰⵢⵍⴰⵏⵏ ⵉⴱⵓⵖⵍⴰⵏ. ⴳ ⵢⴰⵜ ⵜⵙⵓⵔⵉⴼⵜ ⵜⴰⵎⴰⵢⵏⵓⵜ ⵉ ⵜⵖⵓⵔⵉ ⵏ ⵡⴰⴱⵓⴹ ⵏ ⵉⵍⵍ ⵏ ⵓⴳⵕⴹ ⵏ ⵓⴷⵔⴰⵔ ⵏ ⵟⴰⵕⵉⵇ, ⴳ ⵜⵓⵣⵎⵎⴰⵔ ⵏ ⵓⵙⵉⴷⴷⵔ ⵏ ⵓⵙⵏⴼⴰⵕ ⵏ ⵉⴼⵔⵉ ⵏⵏⴰ ⵔⴰ ⵉⵣⴷⵉⵏ ⵜⵉⵖⵕⵎⵜ ⵏ ⵜⴰⵏⵊⴰ ⵜⴰⵎⵖⵕⴰⴱⵉⵜ ⴷ ⵜⵉⵖⵔⵎⵜ ⵏ ⵜⴰⵔⵉⴼⴰ ⴳ ⵚⴱⴰⵏⵢⴰ. ⵢⵓⵔⴰ ⵜ : ⵍⵃⵓⵙⴰⵢⵏ ⵍⵃⵓ

ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴷⴷⴰⵡ 17 ⵏ ⵉⵙⴳⴳⵯⴰⵙⵏ ⵜⵣⵔⵉ ⵜⵉⴳⴰⵔⵉⵡⵉⵏ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ ⴹⴰⵕⴰⵜ ⵉⵎⵙⴰⵙⴰ ⴷ ⵜⵔⴰⴱⴱⵓⵜ ⵏ ⴷⵣⴰⵢⵔ 1-1.

  ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴷⴷⴰⵡ 20 ⵜⵣⵔⵉ ⵙ ⵜⵉⴳⴰⵔⵉⵡⵉⵏ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ ⴹⴰⵕⴰⵜ ⵎⴰ ⵜⵏⵏⵔⴰ ⵜⴰⵔⴰⴱⴱⵓⵜ ⵏ ⵍⵉⴱⵢⴰ ⵙ 4 ⵎⵏⵉⴷ 0. ⴰⵏⵎⴰⵍⴰ ⵏ ⵜⴱⵔⵣⴰ ⵏ ⵉⵥⵍⵎⴹ ⵏ ⵉⴼⵔⵉⵇⵢⴰ : ⵍⵎⵖⵔⵉⴱ 10 ⵜⵓⵏⵙ 6 ⵎⵉⵚⵕ 4 ⴷⵣⴰⵢⵔ 2 ⵍⵉⴱⵢⴰ 0

  ⵜⵉⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵕ ⵏ ⵜⵎⴰⵙⵙⴰⵏⵉⵏ ⴷ ⵜⴷⵓⵙⵉ ⵜⵓⵏⴼ ⵜⴰⴽⴰⴷⵉⵎⵉⵜ ⵜⴰⴼⵔⵉⵇⵉⵜ ⵏ ⵜⵎⴰⵙⵙⴰⵏⵉⵏ ⴷ ⵜⴷⵓⵙⵉ. ⵜⴰⴽⴰⴷⵉⵎⵉⵜ ⴰⴷ ⵜⴳⴰ ⵜⵉⵏ ⵜⵉⵏⴽⵔⵉ ⵙ ⵓⵔⵣⵣⵓ ⴷ ⵓⵙⴱⵓⵖⵍⵓ ⴳ ⵉⴳⵔ ⵏ ⵜⵎⴰⵙⵙⴰⵏⵉⵏ ⵏ ⵜⴷⵓⵙⵉ ⴳ ⵉⴼⵔⵉⵇⵢⴰ. ⴷ ⵜⵔⴰ ⵜⴰⴽⴰⴷⵉⵎⵉⵜ ⴰⴷ ⵏⵏ ⵉⵍⵍⴰⵏ ⴳ ⵜⵉⵖⵔⵎⵜ ⵏ ⴷⴷⴰⵅⵍⴰ, ⴰⴷ ⵜⵏⴽⵔ ⵙ ⵙ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵏⵏⴰ ⵉⴱⴷⴷⵏ ⴼ ⵓⵙⵢⵉⵡⵏ ⵏ ⵉⵣⵎⵎⵓⵥⵥⴰⵍ ⵉ ⵓⵏⴱⴰⴹ ⴰⴷⵓⵙⴰⵏ ⵏ ⵉⴼⵔⵉⵇⵢⴰ.

 ⵜⵣⵔⵉ ⴰⵙⵙⴰ ⴷ ⵜⴰⴽⵛⵛⵓⴹⵜ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ ⵏ ⵜⵡⵜⵎⵉⵏ ⴳ ⵍⵎⵖⵔⵉⴱ. ⵜⴰⴽⵛⵛⵓⴹⵜ ⴰⴷ ⵉⵃⴰⴹⵔ ⴳⵉⵙ ⵓⵙⵍⵡⴰⵢ ⵏ ⵜⵙⴷⴰⵡⵉⵜ ⵏ ⵉⴼⵔⵉⵇⵢⴰ ⵎⵓⵜⵙⵉⴱⵉ ⴷ ⵓⵙⵍⵡⴰⵢ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵍⵎⵖⵔⵉⴱ ⴼⴰⵡⵣⵉ ⵍⵇⵊⵄ ⴷ ⵎⵏⵏⴰⵡ ⵉⵏⴱⴳⵉⵡⵏ ⵢⴰⴹⵏⵉⵏ ⴳ ⵉⴳⵔ ⵏ ⵜⴰⵡⵊⵊⴰ ⵏ ⵜⵡⵜⵎⵉⵏ. ⵜⴰⴽⵛⵛⵓⴹⵜ ⵜⵙⵔⵙ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⵏ ⵜⵡⵜⵎⵉⵏ ⴳ ⵜⴰⴳⵔⵓⵎⵎⴰ ⵜⴰⵎⵣⵡⴰⵔⵓⵜ. ⵜ ⵉⵢⴰⴼⵓⵜⵉⵏ ⵏ ⵜⴽⵛⵛⵓⴹⵜ ⵓⵛⴽⴰⵏ ⴷ ⴳ ⵎⴽⴰ ⴷ: ⵜⴳⵔⵓⵎⵎⴰ A ⵍⵎⵖⵔⵉⴱ ⵣⴰⵎⴱⵢⴰ ⵙⴰⵏⵉⴳⴰⵍ ⴽⵓⵏⴳⵓ ⴷ ⵜⴰⴳⵔⵓⵎⵎⴰ B ⵏⵉⵊⵉⵔⵢⴰ ⵜⵓⵏⵙ ⴷⴷⵣⴰⵢⵔ ⴱⵓⵜⵙⵡⴰⵏⴰ ⵜⴰⴳⵔⵓⵎⵎⴰ C ⵉⴼⵔⵉⵇⵢⴰ ⵏ ⵉⴼⴼⵓⵙ ⴳⴰⵏⴰ ⵎⴰⵍⵉ ⵜⴰⵏⵣⴰⵏⵢⴰ

 ⵉⵙⵎⴷ ⴰⵙⵙⴰⴷ ⵓⴷⵉⵔⴱⵉ ⴳⵔ ⵕⵕⴰⵊⴰ ⴷ ⵍⵡⵉⴷⴰⴷ ⵏ ⵜⴳⵎⵎⵉ ⵜⵓⵎⵍⵉⵍⵜ ⵙ ⵓⵎⵙⴰⵙⴰ 1 ⵉ 1. ⵜⵣⵡⴰⵔ ⵕⵕⴰⵊ ⵙ ⵉⵙⵡⵉ ⴰⵎⵣⵡⴰⵔⵓ ⴳ ⵜⵓⵙⴷⴰⴷⵜ ⵜⵉⵙⵙ 54 , ⵉⵙⵙⵡⴰⵜ ⵉⵏⵏ ⵓⵎⵓⵔⴰⵔ ⴱⴰⴱⴰ ⵙⴰⵅⵓ, ⵜⵔⴰⵔ ⵍⵡⵉⴷⴰⴷ ⵙ ⵉⵙⵡⵉ ⵏ ⵓⵎⵙⴰⵙⴰ ⵉⵙⵙⵡⴰⵜ ⵉⵏⵏ ⵓⵎⵢⵓⵔⴰⵔ ⵎⵃⵎⵎⴰⴷ ⵔⵔⴰⵢⵃⵉ ⴳ ⵜⵓⵙⴷⴰⴷⵜ ⵜⵉⵙⵙ 79.

  ⵉⵍⴽ ⴷ ⵉⴹⵍⵍⵉ ⵓⵙⵍⵡⴰⵢ ⵏ ⵛⵛⵉⵏⵡⴰ ⴰⵣⴰⴳⵯⵣ ⵏ ⵜⴳⵎⵎⵉ ⵜⵓⵎⵍⵉⵍⵉ ⴳ ⵍⵎⵖⵔⵉⴱ. ⴰⵙⵍⵡⴰⵢ ⵏ ⵛⵛⵉⵏⵡⴰ ⵙⵉ ⵊⵉ ⴱⵉⵏ ⵢⵓⴼⴰⴷ ⴳ ⵓⵙⵏⵓⴱⴳ ⵏⵏⵙ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⵓⵙⵍⵡⴰⵢ ⵏ ⵜⵏⴱⴰⴹⵜ ⵎⴰⵙ ⵄⴰⵣⵉⵣ ⴰⵅⵏⵏⵓⵛ.

  ⴽⵔⴰ ⵏ ⵉⵏⵖⵎⵉⵙⵏ ⴰⵔ ⵜⵜⵉⵏⵉ ⵎⴰⵙ ⵉⵜⵜⵢⴰⵎⴰⵥ ⵓⵏⵖⵎⴰⵙ ⴰⴷⵣⴰⵢⵔⵉ, ⴱⵓⵄⵍⴰⵎ ⵙⵏⵙⴰⵍ ⴳ ⴷⴷⵣⴰⵢⵔ . ⵉⵜⵜⵓⵙⵙⴰⵏ ⵓⵏⵖⵎⴰⵙ ⴰⴷ ⵙ ⵜⴰⵏⵏⴰⵢⵉⵏ ⵏⵏⵙ ⵎⴳⴰⵍ ⵜⴰⵎⴰⵣⵉⵔⵜ ⵏ ⴷⴷⵣⴰⵢⵔ. ⵙⵍⵡⴰⵏⵜ ⴰⴽⴽⵯ ⵍⵍⵉⴳ ⵉⵏⵏⴰ ⵎⴰⵙ ⵍⵎⵖⵔⵉⴱ ⵉⴳⴰ ⵜⴰⴳⵍⴷⵉⵜ ⴷ ⵜⵛⵇⵇⴰ ⵉ ⴼⵔⴰⵏⵙⴰ ⴰⵙ ⵜⵜ ⵜⴰⵎⵣ , ⵎⴰⵛ ⴷⴷⵣⴰⵢⵔ ⵜⴳⴰ ⵖⴰⵙ ⵜⵉⵔⵓⴱⴱⴰ ⵏ ⵎⵉⴷⴷⵏ ⴷ ⵜⵔⵅⴰ ⵉ ⴼⵔⴰⵏⵙⴰ ⴰⵙ ⵜⵜ ⵜⴰⵎⵥ. ⴷ ⵉⵏⵏⴰ ⵎⴰⵙⴷ ⵜⴰⵎⵓⴽⵔⵉⵙⵜ ⵏ ⵍⵎⵖⵔⵉⴱ ⴷ ⴷⴷⵣⴰⵢⵔ ⵜⵍⵍⴰ ⵍⵍⵉⴳ ⵜⴼⴽⴰ ⴼⵔⴰⵏⵙⴰ ⵉⴽⴰⵍⵉⵡⵏ ⵏ ⵍⵎⵖⵔⵉⴱ ⵉ ⴷⴷⵣⴰⵢⵔ. ⵣⵓⵏ ⵜⵉⵖⵕⵎⵉⵏ ⵏ ⵜⵉⵍⵎⵙⴰⵏ ⴷ ⵡⴰⵀⵔⴰⵏ ⴷ ⴱⵛⵛⴰⵔ ⴷ ⵜⵉⵏⴷⵓⴼ.

  ⴳ ⵓⵙⴰⵜⵉ ⵏ ⵉⵎⵣⴰⵣⴰⵍⵏ ⴼ ⵜⴽⵓⵙⵜ ⵏ ⵉⴼⵔⵉⵇⵢⴰ, ⵜⵏⵏⵔⴰ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⵜⴰⵔⴰⴱⴱⵓⵜ ⵏ ⵍⵉⴱⵢⴰ ⵙ ⵙⵉⵏ ⵉⵙⵡⵉⵜⵏ ⵏⵉⴷ ⴰⵎⵢⴰ ⴳ ⵓⵍⵎⵓ ⵏ ⵍⴱⴰⵛⵉⵔ ⴳ ⵍⵎⵓⵎⵎⴰⴷⵢⴰ. ⵎⴰⵢⴰⴷ ⵢⵓⵊⵊⴰ ⵍⵎⵖⵔⵉⴱ ⴰⴷ ⴷⴰⵔⵙ ⵜⵉⵍⵉ 7 ⵏ ⵜⵓⴷⴷⵉⵎⵉⵏ.

  ⴳ ⵓⵙⴰⵜⵉ ⵏ ⵉⵎⵣⴰⵣⴰⵍⵏ ⴼ ⵜⴰⴽⵓⵙⵜ ⵏ ⵉⴼⵔⵉⵇⵢⴰ, ⵜⵎⵙⴰⵙⴰ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⴷⴷⴰⵡ 20 ⵏ ⵉⵙⴳⴳⵯⴰⵙⵏ ⴷ  ⵜⵔⴰⴱⴱⵓⵜ ⵏ ⴷⴷⵣⴰⵢⵔ ⵙ ⵢⴰⵏ ⵉⵙⵡⵉ ⵎⵏⵉⴷ ⵢⴰⵏ ⴳ ⵓⵍⵎⵓ ⵏ ⵜⴰⵔⴳⵯⴰ ⵏ ⵙⵙⵡⵉⵙ ⴳ ⵎⵉⵚⵕ. ⵎⴽⴰⵏⵏ ⴰⵙ ⵜⵍⴽⵎ ⵜⵔⴰⴱⴱⵓⵜ ⵏ ⵍⵎⵖⵔⵉⴱ 7 ⵏ ⵜⵓⴷⴷⵉⵎⵉⵏ ⵏⵏⴰ ⵙ ⵜⵜ ⵉⵏⵏ ⵉⵙⴰⴽⵎⵓⵔⵏ ⴰⴷ ⵜⵣⵔⵉ ⵙ ⵜⵉⴳⴰⵔⵉⵡⵉⵏ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ.

  ⴳ ⵉⵎⵣⴰⵣⴰⵍⵏ ⴼ ⵜⴰⴽⵓⵙⵜ ⵏ ⵉⴼⵔⵉⵇⵢⴰ ⵏ ⵜⵔⵓⴱⴱⴰ ⴷⴷⴰⵡ 17 ⵏ ⵓⵙⴳⴳⴰⵙ ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ, ⵜⵎⵙⴰⵙⴰ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵜⵓⵏⵙ ⵙ ⵙⵏⴰⵜ ⵜⵎⵙⵙⵡⵉⵜⵉⵏ ⵎⵏⵉⴷ ⵙⵏⴰⵜ. ⵎⴰ ⵢⴰⴷ ⵢⵓⴷⵊⴰ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴰⴷ ⴷⴰⵔⵙ ⵜⵉⵍⵉ 4 ⵏ ⵜⵓⴷⴷⵉⵎⵉⵏ.

 ⵍⵎⵖⵔⵉⴱ-ⵜⵓⵏⵙ : 2-1 ⴳ ⵉⵎⵣⴰⵣⴰⵍⵏ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ ⵏ ⵜⵔⵓⴱⴱⴰ ⴷⴷⴰⵡ 20 ⵏ ⵓⵙⴳⴳⵯⴰⵙ ⴳ ⵎⵉⵚⵕ, ⵜⵏⵏⵔⴰ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵜⴰⵔⴰⴱⴱⵓⵜ ⵏ ⵜⵓⵏⵙ ⵙ ⵙⵏⴰⵜ ⵜⵎⵙⵙⵡⵉⵜⵉⵏ ⵎⵏⵉⴷ ⵢⴰⵜ. ⴹⴰⵕⴰⵜ ⵏ ⵜⵎⵢⵉⴳⴰⵔⵜ ⴰⴷ ⵜⵓⵎⵥ ⵜⵔⴰⴱⴱⵓⵜ ⵏ ⵍⵎⵖⵔⵉⴱ 3 ⵜⵓⴷⴷⵉⵎⵉⵏ ⵢⴰⴹⵏⵉⵏ ⴰⴼⴰⴷ ⴰⴷ ⴷⴰⵔⵙ ⵉⵍⵉⵏⵜ 6 ⵏ ⵜⵓⴷⴷⵉⵎⵉⵏ.

     ⵍⵎⵖⵔⵉⴱ -ⵍⵉⵙⵓⵟⵓ : 7-0   ⴳ ⵉⵎⵣⴰⵣⴰⵍⵏ ⴼ ⵜⴰⴽⵓⵙⵜ ⵏ ⵉⴼⵔⵉⵇⵢⴰ ⵍⵎⵖⵔⵉⴱ 2025, ⵜⵏⵏⵔⴰ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵜⴰⵔⴰⴱⴱⵓⵜ ⵏ ⵍⵓⵙⵓⵟⵓ ⵙ ⵙⴰ ⵏ ⵜⵎⵙⵙⵡⵉⵜⵉⵏ ⵎⵏⵉⴰⴷ ⴰⵎⵢⴰ ⴳ ⵓⵍⵎⵓ ⵏ ⵡⵊⴷⴰ. ⵜⵉⵎⵙⵙⵡⵉⵜⵉⵏ ⵉⵙⵙⵡⴰⵜⵏ : ⴱⵔⴰⵀⵉⵎ ⴷⵢⴰⵣ 3 ⵜⵎⵙⵙⵡⵉⵜⵉⵏ , ⵔⴰⵃⵉⵎⵉ ⵙⵏⴰⵜ ⵜⵎⵙⵙⵡⵉⵜⵉⵏ ,  ⵢⵓⵙⴼ ⵏⵏⵚⵉⵔⵉ  ⵢⴰⵜ ⴷ ⵙⵙⵉⴱⴰⵔⵉ ⵢⴰⵜ ⵜⵎⵙⵙⵡⵉⵜ. ⵎⴰ ⵢⴰⴷ ⵢⵓⵊⵊⴰ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴰⴷ ⵜⵉⵍⵉ ⴳ ⵉⵅⴼ ⵏ ⵜⵔⴰⴱⴱⵓⵜ ⵙ 18 ⵏ ⵏ ⵜⵓⴷⴷⵉⵎⵜ.

ⴰⵙⵔⴷⴰⵙ ⵏ ⵜⴳⵍⴷⵉⵜ ⵉⵍⴽⵎ ⴰⵣⴳⵏ ⵏ ⵜⴳⵉⵔⴰ ⵏ ⵜⴱⵔⵣⴰ ⵏ ⵉⵏⴱⵔⴰⵣ ⵏ ⵉⴼⵔⵉⵇⵢⴰ ⵏ ⵜⵉⵡⵜⵎⵉⵏ. ⴹⴰⵕⴰⵜ ⵎⴰ ⵉⵍⵍⴰ ⴳ ⵉⵅⴼ ⵏ ⵜⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵙ 9 ⵏ ⵜⵓⴷⴷⵉⵎⵉⵏ. ⴰⵙⵔⴷⴰⵙ ⵏ ⵜⴳⵍⴷⵉⵜ ⵜⵏⵏⵔⴰ ⴳ ⵜⵎⵏⵢⵓⴳⴰⵔⵜ ⵜⴰⵎⴳⴳⴰⵔⵓⵜ ⵜⴰⵔⴰⴱⴱⵓⵜ ⵏ ⵜⴰⵙⴷⴰⵡⵉⵜ ⵏ ⵡⵉⵙⵜⵔⵏ ⴽⵉⴱ ⵏ ⵉⵥⵍⵎⴹ ⵏ ⵉⴼⵔⵉⵇⵢⴰ ⵙ ⵙⵏⴰⵜ ⵜⵎⵙⵙⵡⵉⵜⵉⵏ ⵎⵏⵉⴷ ⴰⵎⵢⴰ.

  ⵜⵏⵏⵔⴰ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵜ ⵏ ⵜⵛⴰⵎⵎⴰ ⵏ ⵓⴹⴰⵕ ⴷⴷⴰ 17 ⵏ ⵓⵙⴳⴳⴰⵙ ⵜⴰⵔⴰⴱⴱⵓⵜ ⵏ ⵎⵉⵚⵔ ⵙ 5 ⵏ ⵜⵎⵙⵙⵡⵉⵜⵉⵏ ⵎⵏⵉⴷ 1 .

  ⵜⵙⴽⴰⵣ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵙⵏⵥⵡⵉⵜ ⵙⴳ  ⵡⴰⴹⵓ ⵉⴷⵓⵙⵏ ⴷ ⵓⵎⵎⵓⵙⵙⵓ ⵏ ⵓⴳⴹⵕⵓⵕ ⴰⵙⴽⴽⴰ ⴳ ⵎⵏⵏⴰⵡ ⵏ ⵜⵎⵉⵣⴰⵔ ⵜⵏⵏⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵙⵏⵥⵡⵉ ⵎⴰⵙ ⵔⴰ ⴷ ⵢⵉⵍⵉ ⵡⴰⴹⵓ ⵉⴷⵓⵙⵏ ⴷ ⵓⵎⵎⵓⵙⵙⵓ ⵏ ⵓⴳⴹⵕⵓⵕ ⴰⵙⴽⴽⴰ ⵏ ⵓⴽⵡⴰⵙ ⴳ ⵎⵏⵏⴰⵡ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ. ⴷ ⵜⵙⵉⵙⴼⵉⵡ ⵜⴰⵎⵀⵍⴰ ⴳ ⵉⵏⵖⵎⵉⵙⵏ ⵉⵙⵎⵉⴳⵍⵏ ⴳ ⵓⵙⵡⵉⵔ ⵏ ⵉⵡⵉⵣ ⴰⵍⵉⵜⵛⵉⵏⵉ,  ⵎⴰⵙ ⵔⴰ ⴷ ⵉⵍⵉⵏ ⵉⵊⴰⵡⴰⵏ ⵉⴷⵓⵙⵏ (75 ⴽⵎ/ⵙ- 90) ⵙⴳ ⵜⴰⵙⵔⴰⴳⵜ ⵜⵉⵙⵙ ⵙⴰⵜ ⵏ ⵓⵣⴰⵍ ⴰⵔ ⵜⴰⵙⵔⵣⴳⵜ ⵜⵉⵙⵙ ⵙⵎⵎⵓⵙⵜ ⵏ ⵓⵣⴰⵍ, ⴳ ⵜⵙⴳⴳⵉⵡⵉⵏ ⵏ : ⴼⵉⴳⴳⵉⴳ, ⵊⵕⴰⴷⴰ, ⵡⵊⴷⴰ-ⴰⵏⵊⴰⴷ, ⵜⴰⵡⵔⵉⵔⵜ, ⴱⵓⵎⴰⵍⵏ ⴷ ⵎⵉⴷⵍⵜ.

ⵜⵙⵙⵎⵉⵔ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⴰⵡⵊⵊⴰ ⵏ ⵓⴹⴰⵕ, ⴰⵙⵙ ⴰⴷ ⵏ ⴰⵢⵏⴰⵙ, ⵙ ⵓⵛⴱⵉⵔ ⴰⵎⴰⵢⵏⵓ ⵏ ⵜⴰⵔⴰⴱⴱⵓⵜ ⵜⴰⵎⵖⵔⵉⴱⵉⵜ. ⴰⵙⵎⴰⵍ ⵙ ⵓⵛⴱⵉⵔ ⴰⵎⴰⵢⵏⵓ ⵉⵙⴰⵔ ⴳ ⵓⵣⴰⴳⵯⵣ ⵏ ⵕⵕⴱⴰⵟ ⴷ ⵙⵍⴰ ⵃⴰⴹⵔⵏ ⴳⵉⵙ ⵉⵎⵓⵔⴰⵔⵏ ⴷ ⵉⵎⴷⴰⵏⵏ ⵏ ⵓⴳⴰⵍⵓⴼ ⴰⵜⵉⵇⵏⵉ ⵏ ⵜⵔⴰⴱⴱⵓⵜ ⵜⴰⵎⵖⵔⴰⴱⵉⵜ..

  ⴰⵏⵙⵓⴼ ⵙⵉⵜⵓⵏ ⴳ ⵓⵙⵎⵍ ⴰⴷ ⴰⵎⴰⵢⵏⵓ ⵏⵏⴰ ⵎⵓ ⵙⵎⵎⵉⵖ "ⵓⵎⵍⴰⵏ". ⴰⵙⵎⵍ ⴰⴷ ⵔⴰ ⴳⵉⵙ ⵜⴰⴼⵎ ⵉⵏⵖⵎⵉⵙⵏ ⴷ ⵉⵎⴰⵢⵏⵓⵜⵏ ⴷ ⵜⵉⴼⴰⵡⵉⵏ ⴳ ⵉⴳⵔⴰⵏ ⴰⴽⴽⵯ ⵏ ⵜⴷⵓⵔⵜ ⵏⵏⵖ. ⴳ ⵉⴳⵔ ⵏ ⵜⵓⵏⵏⵓⵏⵜ, ⵜⴰⴷⴰⵎⵙⴰ, ⵜⴰⵙⵔⵜⵉⵜ, ⵜⵓⵙⵙⵏⴰ, ⵜⴰⴷⵍⵙⴰ... ⵜⴰⵏⵎⵎⵉⵔⵜ ⵏⵏⵓⵏ. ⵍⵃⵓⵙⴰⵢⵏ ⵍⵃⵓ